香港新聞界唔係垃圾:唐英年僭建門現眼報

2012/02/16 10:27:48 網誌分類: 時事
16 Feb

    去年11月9日,我撰文指唐英年罵傳媒Completely Rubbish,得罪傳媒,把自己的無能表露無遺,做特首唔合格。原因是傳媒是從政者及營商者最最最不能得罪的對象。當時,我提出指迪士尼開幕時對傳媒做出差別待遇,得罪傳媒人士,結果開幕後兩年負面新聞不絕。

    為此,我常對親友講,唐英年唔得。可惜親友都堅信中央及地產商欽點論,總是跟我說:唐唐做硬!

{#TANG.HOME.0900.1602.jpg}

*唐英年豪宅被指酒池肉林,是報章一種訴諸市民仇富心態的針對手法。
唐如果懂得給傳媒留薄面,今日也許不會有此下場。

    然而,今日周四,唐唐私宅地庫酒池肉林圖則曝光,香港主要報章明報、東方日報、蘋果日報都沒有放過唐英年,有傳媒甚至僱用吊車至約道唐宅高空拍攝唐宅內部。事發後,自由黨迅速反應,與唐劃清界線,表示重新檢討撐唐,眾叛親離。

    詹培忠的言論是最頂癮,他表示侵佔人家用地才是僭建,並會繼續支持唐。詹培忠有性格,也表示一件事,如果傳媒願意,傳媒也可以用有如詹培忠的論調處理唐英年的僭建風波,又或者採用Agenda Setting技倆,把新聞放入內頁低調處理帶過了事,或者索性唔提。

*勞師動眾僱吊臂車拍攝,如非深仇大恨,又可以大快人心,促銷報紙,傳媒才沒那個空做這等怪事。

    為何唐英年僭建,會弄成如許大的風波,有報章甚至不惜翻出秘密圖則,又有傳媒用上吊臂車咁大陣仗?原因只有一個,唐英年當日對著傳媒出言不遜,罵傳媒Completely Rubbish!

    即是說,同一單新聞,傳媒有能力口誅筆伐,要你不得好死,也有能力隻眼開隻眼閉,放你一條生路。

    今日的大新聞,是傳媒集體力量的展示!正如李麗珊話:「香港運動員唔係垃圾!」現在各大報章攜手合作,鏡頭對準唐英年,向唐唐講:「香港新聞界唔係垃圾!」

{#TANG.HOME.0900.1602.jpg}

*香港運動員和新聞界都唔係垃圾!
罵人垃圾者才是垃圾!
老師們:別罵學生是垃圾,當心現眼報!

    從來,行走江湖,對任何人都應該留幾分薄面,即使對方身份地位低微,都不能輕視。唐英年有如神鵰俠侶郭靖的大女兒郭芙一樣,得罪人多,稱呼人少,完全不知江湖規則,不管他笑容幾有風采,都只適宜躲在深閨做其大小姐,出來選特首,就註定敗家!

    做特首要經常外訪,俾我係中央,都唔敢俾個傻人去白宮或者歐洲開會,一陣唔小心爆一句Completely Rubbish或者「我唔知你講乜」(唐回應陳婉嫺言論之第一句),就咩架都丟清。

    梁振英聰明,知道如果自己出面踩唐一腳,日後傳媒也一樣以同一原則對自己窮追猛打,所以表示不作評論。唐英年口中說的「陽光政策」,現在變成他的死穴。歷史中商鞅點死,李斯點死,楊修點死,耍小聰明總是作法自斃,梁振英也許有點心得。

 

*   *   *

11月9日文章:特首我撐孫明揚:Hong Kong has no time for trainee

http://blogcity.me/blog/reply_blog_edit.asp?f=WFASPK8ZBD96479&id=321290

 

*   *   *

2月16日9:22PM最新評論

太太揹黑鍋,低潮當借口

下午唐英年競選辦想出對策,讓唐太太揹黑鍋,這點子確實好,出得廳堂見人。

證明唐背後重金下必有高人指點。奈何唐唐總係出事後才願意聽高人指點,表現飄忽。如果佢係可以Programme的機械人,當個真正傀儡,願意每句說話都按指示講,每個行動跟足劇本,照計俾佢做都應該不會出大亂子,可惜佢唔係!

佢話婚姻低潮未能處理僭建問題,咁佢成日低潮,一旦獲選後低潮五年十年,咁香港點算?

香港需要一個處於低潮都能有效處事的領袖。低潮?低潮就做唔到野?唐唐以為自己係十八廿二思春期?如果係,唔該返去中學重新讀過,等佢在學校憂鬱個五年十年,接受下老師輔導,萬一真的合格啦,十年後再返出來選過啦!

個人覺得呢個傻人當特首職位係一個玩具--一個可以把香港當作遙控飛機一樣舞來舞去的玩具,係以一種小孩子恨把玩具弄到手的心態來競選。佢唔知道香港七百萬人裡面大部分人唔係咁唸,香港有很多實在矛盾和發展問題要解決,大家的生計、個人發展以及安居樂業,好睇個特首點做同點講說話,香港並唔一個可供玩耍的玩具。

今日香港人沒有任何機會給EQ咁低,講野天天得罪人的笑面豬。

indy

回應 (9)
我要發表
彭彭
彭彭 2012/02/20 17:43:10 回覆

扇子:

今次傳媒勝利好有歷史性意義丫,等大財團清楚看出,文人唔可以睇小。

在香港,做傳媒地位和待遇十分麻麻,也許因為這樣,大班們看不起傳媒,觸犯了傳媒的江湖規矩。

我唸比喻香港傳媒為金庸筆下的丐幫就最貼切,他們行乞,但唔代表佢地無組織無力量,相反,他們在江湖上地位拍得住少林。

indy

 

彭彭
彭彭 2012/02/17 22:37:34 回覆

呢個世界好多野無人知@@;

我都想僭建,哈哈!

qqcheng (小吉)
qqcheng (小吉) 2012/02/17 19:54:42 回覆

indy:仲有d官係咁互相包庇,知法犯法,以權謀私,都一樣冇人知.

彭彭
彭彭 2012/02/17 00:31:38 回覆

QQ

係囉,咁即係……一世酒池肉林都無人知QQ

indy

qqcheng (小吉)
qqcheng (小吉) 2012/02/16 23:36:13 回覆

如果唐生不參選特首,地窖一事就可能永遠不會曝光...咁即係...... {#200911261432006281.gif}

彭彭
彭彭 2012/02/16 15:24:22 回覆

冬姐:

本來就無炸彈,如果有,係佢自己招來的。如果佢有本事拆,早就不會招來炸彈啦!所以,佢自己就實唔會有法子拆彈嫁啦!

問題係佢錢多,或者請到公關高手指點,捱過一劫。就算拆到彈,都唔係佢本事。

老實講,如果佢下下靠人先解到圍,不如我地推個公關高人出來做特首好過啦!

啊,倒不如說,佢自己就係炸彈,佢把口就係信管。拆彈專家來到,第一個建議應該就係將佢把口拆左去,咁就永遠唔會爆炸。

indy

立 冬
立 冬 2012/02/16 14:39:31 回覆

傳媒真犀利!這件事對唐唐來說,確實是個大炸彈,看他如何拆解了.+2

彭彭
彭彭 2012/02/16 14:27:25 回覆

哇,挖十八層,閰王果位俾佢做埋囉!怨恨,怨恨…好恐怖QQ

原來唐唐得罪傳媒前,第一個得罪的就是自己太座!佢話幫佢監工果個屋企人唔通就係……

2012/02/16 14:07:59 回覆

糖糖大宅地下有潛建物,糖糖真D唔知。是因,當年糖糖感情過失那幾年,都無返過屋企,令到糖太甚悶悶。結果,獨自一個人將大宅向地下挖了十八層。

呢件事,唔怪得糖糖,都怪糖太。

糖糖,就是一粒低糖,他做了凸首,香港就變成低能城市了。

user

最新回應

我們是否需要用謊言去打擊說謊嘅敵人,難道

現時香港情況,正是全面學習中國文革時期的惡行,口口聲聲要民主,其實係自我民主,不需守法,大話連篇,候德健說得不錯:我們是否需要用謊言去打擊說謊嘅敵人,難道事實是不足夠?

泛民也不是好東西,它是常用謊言手段的傢伙!

萬大有商量
萬大有商量 2019/06/20

年青真是好 充滿活力

彭彭
彭彭 2019/06/19
@我係你舊生...

感謝同學... 等候下一個風和日麗的自由寫作時代來臨吧(完全不知何時)... 現在是寸步難行...