第三次考

有信心, 唔使三年又三年~

上次唔好彩, 同兩個女人一齊考, 佢地睇錯睇目兼壟斷討論, 唔理我呢個細路女~

今次, 好彩la! 同d女仔一齊考, 點知有個就連hinder都唔識解, 而另一個又係睇錯題目, 但我今次淡定左, 影響唔到我既表現。

開場白係: (以下係英譯中)

「晚安呀! 我地又見面啦。我地真係好多會要開, 不過都要開埋呢個, 要得到個結果先... 今日我地係講d關於嚮英文堂用中文既野。你覺得點呀?」

我望住左邊個女仔。大概佢地應該如我所想, 以為我一開始想壟斷, 其實係講少少野, 免得重蹈覆轍冇野講, 死都講返d, 然後就讓佢地講, 我就可以做到follow up佢地講既野呢個效果, 個marking scheme推介架!

講講下, 發現佢地好似冇咩教學經驗, 而我呢, 今年搵到呢份筍工, 可以參與會議, 又更了解有關學與教既野, 所以人名呀, position呀, 以及好多課堂有用既心理學詞彙同場景都用到出黎。突然變左科主任 =口="

講講下仲講到星期六就家長日添! 佢地想唔到我咩都可以連埋黎講, 因為就有呢個creativity, 而且仲有學障小朋友既經驗, 之前又實習過呢。

雖然個中國女人評審目無表情, 但我見個外藉男人評審好似幾buy我既見解, 尤其係part 1既第二部份, 題目係有關應唔應該由政府出教科書。我講左兩間出版社既書有咩唔同同埋適合咩類既學生, 又講校本課程同edb既plpr果d野~~

其實呢幾日瘋狂溫左好多生字片語咁, 唔算用到好多, 但如果唔溫, 應該好多今日有用既野都嘔唔出黎囉。

thx我做緊野既地方既老師, 佢地好support我呀! 仲話呢個試好多人都要考好多次, 希望唔使再考呢份, 我要考課堂卷呀! (真係衰, 爭呢份之嘛, 唔係上次討論同d女人討論既話... 又要呢份得左先可以考課堂卷)

其實澳洲肥鬼婆既陰影走晒, 自信心返返黎。super thx我做緊野既地方既老師, 個個都好pro, 用心教學仲要識得切合學生需要多完化教學, 最緊要係- 會同我傾計, 嘻嘻~

P.S. 我最後幾句既討論內容係「好野, 依家可以去改簿la! 係呢, 你食左午餐未?」

呵........(雖然應該回應晚安)

呀, 原來今日唔使衝過去, 就算只係遲1分鐘都要等45分鐘... 又或者, 我個編號咁尾, 始終都係果批既最後一個點名?

今次咪好d囉, 投訴過嘛~ 之前好夜先考完, 今次5點去, 大概5點50分咁開始prepare, 6點幾就放la!