快樂的片段
2012/02/26 11:20:27 網誌分類: 生活
之前顧住考試同埋返工既地方既一個特別日子, 開心既野只係稍為影左, 但冇放入電腦呀~
依家放返d開心/ 好味/ 神奇/ 搞笑既野上黎先:
之前食左個鐵板餐, 唔使估都知同邊個食~ 我同佢討論過呢塊鐵板呢... 由於嚮個food court度食, 咁如果d人偷左塊鐵板, 呢間野既人都可能唔知架喎... 哈哈~ 跟住佢問我係咪想偷...
之前又食左呢個餐, 又係豬扒la~ 某人發現我出街成日叫豬扒食既原因... 就係我呀媽成日切到d豬扒好薄好細塊, 所以出街先食到大大塊既厚厚既豬扒 XD 另外, 唔知出左咩問題幅相咁既樣, 唔緊要la。
星期五帶D小學生去伊館... 其實我未去過伊館, 紅隧成日塞車既問題我都冇意識去知, 海底隊道有幾多條我亦唔知, 海底隊道點起呢個問題, 由六年班到依家都未解決, 不如我上網搵下囉。
上星期自己整左個飯, 用個不锈鋼煲整, 整到個煲底燶左... 跟住放落個飯盒度, 發現D飯好少咁, 就加左D花生, 等自已有多D脂肪可以食, 可以暖D。望下右上角, 係豆漿放左落去個燶既煲度, 最後我用D豆漿既濕度用個木既鑊鏟刮個煲, 最後飲埋食埋D豆漿同飯焦, 第二日生飛滋 =.=不過考完試就冇飛滋lu。
d米洗完加水放落個煲, 用最細火, 都會燶...?
你點煲飯,煲到燶呀~~~~~
今日send左個好好笑既email俾燒餅 ^0^