豪華臀

2012/03/23 08:39:17 網誌分類: 生活

23 Mar

        一日兩餐，隻隻貓份量都一樣，不明白米米何以特別肥美？牠的肚仔和臀部都是特大號的。究竟牠如何可以在不知不覺間谷肥自己？

        我家一貓一個兜，由於返工時間很長，總是倒下比足夠多一點的貓餅，隨意讓大夥一起吃，貓爺肚子餓了自然會自己走位。原來米爺比別的貓更進取，大口吃完自己一份，就用頭硬擠走較牠細隻的小Kidd或者紅豆，吃埋人家的一份。

        肚仔脹脹的米爺施施然舔手舔面，不多久，又溜進廚房吃第二次，把真真吃不完的都掃清，肚子再脹一點；到客廳轉幾個圈運動一番，和骰仔打打架，約一個小時後，牠又急步走進廚房再吃起來；這樣來來回回吃三四輪，牠才真正罷手，到沙發睡午覺去。

        日子有功，牠的豪華「臀」，就是這樣養回來的。

        關慧玲

回應 (15)

我要發表

2012/04/13 10:13:42 回覆

${#IMG_9513_調整大小.JPG}$ WOW, 米爺相比我家肥仔, 真的很豪華臀呢 ${#icons_cat2}$

關慧玲 2012/03/27 23:25:04 回覆

old ox

你的形容，好得人驚啊!!! ${#icons_cat10}$

關慧玲 2012/03/27 23:24:14 回覆

pak ma,

貓有時都會無胃口的，佢有無便便?有就應ok，可再觀察一陣。

2012/03/27 20:02:33 回覆

有時天氣會影響佢哋胃口, 有時食滯咗都會 , 係咪一d 嘢都唔食 ? 或者轉 d 新口味俾佢 , 如果係一d 嘢都唔肯食就要睇醫生喇 ! 佢食少咗嘢 , 冇入 , 點會痾得多呢 ?

2012/03/27 11:22:17 回覆

關小姐及各貓友,,有事請教：

我的寶寶這兩天食少咗,,平日便便是一天有一至兩次,,但這兩天未有便便,,同不貪食，是否唔舒服呢?

但精精神神的,行來行去,我比較細膽 ${#icons_girl9}$ ,,所以有點擔心,,,可否比點意見?

多謝大家！

2012/03/26 14:02:15 回覆

米米好似一隻小乳豬, 將香草, 檸檬放進牠腹腔, 烤熟了必定好好味!

Old-Ox ${#icons_cat8}$

2012/03/23 21:59:43 回覆

關小姐&

首先多謝關小姐的關心，本人已完全康復，之前好似肥米咁勁豪華臀。病了這2week 最好就是減了磅 . 米米真係超可愛，同我家肥仔一樣，不停咁食，但我的肥仔就煩D因為食得多就會一次過獲利回吐，所以一日食兩餐每餐仲要分開三次比佢隔十分鐘一次所以連帶另一隻可以食長糧的細佬都要跟哥哥一樣食兩餐有時細佬要捱肚餓代我回家後才可食真陰公 ${#icons_girl6}$