睇你點死

真係問你點死? 或者講冇錢唔好學人賣咸鴨蛋! 點解咁講架, 死都唔比人死, 講唔通喎! 無法啦, 政府以兩億以上既合約價批出殯儀館經營合約, 為期五年. 平均每年營運費未計燈油火蠟都要成五千萬! 除開一年十二個月即係要400萬或以上先至可以封蝕本門! 大家不妨想想要點訂服務費先至可以有四百萬一個月收入?

所以講死都唔得掂! 政府因為窮, 既然生勾勾既唔想加稅基, 唯有埋沒良心都要打劫陰司路. 何況自負盈虧, 豐儉由人? 大不了學習古人用一張竹蓆捲住遺體然後火葬, 一了百了! 既慳工夫; 又慳時間; 最緊要係慳到錢! 難保無良之風氣由政府一手攪起, 寄望先人有怪莫怪, 要算賬想出氣不妨去搵政府有關當局人員.