《春嬌》盡訴港人情懷 爆余文樂親揀女拍檔 大肚楊千嬅:這次合作獲益良多!
2012/03/26 08:40:10 網誌分類: 生活
| 誰說合拍片沒驚喜？彭浩翔導演的《春嬌與志明》讓人拍案叫絕，先說明一下《春嬌》雖說是《志明與春嬌》的延續，但這次全員北上拍攝，在北京街頭道出現代男女的愛情故事，笑中有淚，今天真的非常感恩，請來準靚媽楊千嬅接受訪問，細說這次北上拍攝的趣事，還有戲中出軌貪玩的「志明」余文樂和靚到絕的內地女新人楊冪，這訪問笑聲不絕，保證令你滿意。 主持：黃柏高 統籌：林永匡 協力：彭燕燕、袁東亮、龍婉琪 一直很欣賞彭浩翔導演，他用心鑽研劇本和對白，為能更專注拍攝《春嬌》而走到北京居住，感受當地文化，難怪連當紅歌手楊千嬅都如此信任他，只要沒有與其他演出重疊檔期，便一口應承接拍續集。 余文樂：「我知道導演其實一直唔會拍續集，不過我見當年《志明與春嬌》反應咁好，加上只係講我同千嬅點相識相愛，仲未講到點拍拖，然後分手，所以我就同導演講不如試下拍續集啦，結果我地就喺微博發帖試下大家反應，結果，反應良好，我哋就開始埋首劇本，嘗試聯絡千嬅夾期。當所有嘢落實之後，導演直情賣晒香港啲嘢，搬埋上去北京住話感受下當地，好大決心，好犀利！」 楊千嬅：「有一日導演打畀我叫我拍《志明與春嬌》嘅續集，我第一時間係吓，幾時呀﹗因為嗰排我忙演唱會。其實我對導演好有信心，無懷疑過佢，所以我擔心嘅只係時間開始。事後我再諗番，其實我覺得成件事好Interesting，而且我對導演真係好有信心，佢份劇本寫咗成年咁耐，佢係一個好有心嘅人。」 笑爆揀女實況 《春嬌與志明》是《志明與春嬌》的續集，講述千嬅與樂仔因性格不合而分手，其後分別戀上其他人，誰知兩人卻在北京重遇，令戀情面臨重大考驗。原來當日眾人挑選起用甚麼演員時，場面相當有趣，情況就猶如於淘寶網揀衫一樣。 余文樂：「其實當日我地三個圍埋一齊諗咗好耐，究竟揀咩另一半先同我哋最適合，我哋希望個女角比較後生同惹火，同千嬅有個比較強烈嘅分別，咁最後先有個好大嘅衝擊嘛！而男角就希望比較成熟同穩重，最後導演就喺微博搵倒個女角覺得幾適合，成件事就好似喺淘寶揀嘢咁。」 楊千嬅：「係囉﹗揀畀我果個就三秒鐘攪掂，要成熟又唔可以靚仔囉，揀個女嘅就要後生又靚女，營造到我好似完全輸硬咁呀嘛！你唔好扮嘢啦，你嗰日同導演揀女角時完全當在場嘅我透明，兩個人拎部iPad出來逐個揀，睇吓邊個最靚，當日我係完全出唔倒聲，完全無份揀！不過其實同徐崢老師合作後，真係獲益良多。佢擁有好穩重嘅感覺，而且佢加咗好多新派元素入電影，雖然佢係國內嘅演員，不過佢好快就可以融入倒我哋，好清楚知道我哋嘅Tone同節奏。」 力邀伊健客串 拍一套有驚喜令觀眾喜歡的電影，除了有精采的劇本，出色的對白，還需要有爆笑的情節和願意作友情演出的演員，看到當中的劇照有鄭伊健的演出，教我最感驚喜與爆笑。 余文樂：「其實場戲係講緊伊健係余春嬌初戀情人，咁劇中嘅張志明當然唔信啦，咁喺機緣巧合下，張志明就向伊健求證囉。」 楊千嬅：「其實真係好多謝伊健，記得有一次喺導演北京屋企附近嘅CoffeeShop傾開，佢話搵唔搵伊健做我戲中嘅初戀情人好，我嗰一刻諗，如果搵埋就好爆㗎啦件事，所以就即場打電話俾佢，問佢可唔可以幫手客串，點知佢聽完諗都唔諗就問我幾時，我仲反問佢唔使問做啲咩㗎，唔驚要除晒衫褲咩﹖佢竟然答：『我都除得吓㗎。』嘩，嗰一刻，真係要多謝佢。」 爆導演怪行 別以為電影內的劇本、情節與對白都是導演憑空想像創造出來，經他們踢爆之後，原來彭浩翔導演的靈感往往是別人的故事，情況就如樂仔與楊冪相識的一幕，而且，彭導演更有別導演一向高高在上的感覺，難怪他與演員們相處良好。 余文樂：「劇裏面，楊冪係飾演一位空姐，而我同佢嘅相識係好離譜！我懷疑其實係導演一直想做又唔敢做嘅事，所以將佢演變成為其中一幕，佢最鍾意將真嘢擺上台﹗」 楊冪：「我發現導演跟男演員的關係好好，我沒有辦法走近他，因為好幾次我想跟樂仔或者他說話，他們兩個都一定走在一起說個不停，他們最愛胡說胡鬧，有時候我坐在他們中間聽他們說話，但不久我就會自己走開，因為太胡鬧，我都聽不下去。」 |
 | |
| |
 | |
 | |
