唔使杞人憂天

有人問梁振英當選, 惹來反對聲音不絕, 咁攪法, 香港點算好? 無他既, 港人唔係群策群力左百多年咩? 有咩野大風大浪未見過? 唔使太過杞人憂天, 梁振英成為新揸FIT人, 係龍係蛇, 上任之後自然表露無遺. 如果做得稱職, 何不比佢一個機會大展拳腳替港人辦事? 如果做得唔好, 肯定唔使五年比港人趕左佢落台.

港人要持平, 香港至有好日子. 事實佢都未上台, 單以個人事件黎批評佢既日後政績, 雖然唔可以講唔成立, 但亦未必百份百準確. 至於擔心佢受命於北大佬, 係順理成章既事, 事關任何人當選, 總要北大佬批出證明書至得. 與其係又反唔係又反; 與其書生意氣令到自己日憂夜憂, 倒不如再發揮港人遇強越強既精神.