業餘業餘
2007/06/10 10:07:41 網誌分類: 娛樂
業餘業餘
業餘做戲,好好笑.因為唔識,烏龍百出.有次在後台見一扮員外friend,本來要着件背心長袍在內,等前面開叉,唔會見脚,但係唔識又冇,於是用燒臘鋪或厨房用膠圍裙,脚着黑膠水鞋-冇員外靴,成個賣魚勝咁,即時笑到攞我命.
業餘最鐘意掹雞尾,右手一掹,左手一立,匿住兩枝断咗雞尾,入塲見師父.
業餘同李龍做十八相送,賢弟請,thank u-真人真事.
業餘吊眉,唔識,有人話唔夠高,好,吊高些,出塲後,由開幕望落幕,口水鼻涕齊標,頭痛到死.
業餘做戲,戴駙馬盔,後面有两翅(好似翼咁呢.),唔識用嘢綑實,睇住個駙馬,行一步跌一枝,兩步就跌鬼哂.
業餘通常做主角,冇乜邊個肯做妹仔,冇法,揾土生竹升香蕉女,第一次叫: 下退. 唔郁,第ン次掩嘴叫:"let's go.",滋滋油油行入去,冇計.
業餘都要食,我要去食飯,講住咁多先.請請.
回應 (0)
我要發表