齊齊遭殃

Joe 楊 : 老豆老母有錯, 仔女可以點?

Pop植 : 近代國際手法, 為民主自由, 照樣打殺可也!

Joe 楊 : 點解咁殘忍?

Pop植 : 勸唔聽又鬧唔醒! 一於無眼屎乾淨盲, 最緊要係條氣順?

Joe 楊 : 咁個家咪散個蛋散囉? 唔怕天打雷辟?

Pop植 : 依家個香港都就快散啦! 政府唔係比人打殺緊咩? 同殺老豆老母有咩野分別?

Joe 楊 : 點解講得咁恐怖?

Pop植 : 政府係民之父母官, 幾唔好都好, 係唔係唔o岩講到o岩?

Joe 楊 : 弊在傾左咁多年, 等左咁多年, 都係拖得就拖, 難怪佢地有不滿情緒喎!

Pop植 : 不滿係一件事, 唔可以因為不滿而亂黎, 人人亂黎, 容咩易天下大亂!

Joe 楊 : 咁, 香港豈不是仆直?

Pop植 : yo! 使咩野驚呀, 七百萬市民齊齊陪你遭殃ga ma!