夢劇塲~~動感小宴

畫畫先有構圖,佈局,跟住着墨.

唱曲先要有意境,加小小創意,咁會有趣dd.

小宴唱到刁嬋歌舞筵前時,第一句: 輕輕把鳳扇.........(點唧?點唧?呂布心急,觀眾聽眾亦心急,吸啖氣,徐徐唱出)....拈  (啊,原來靚女攞住把扇,擺好姿勢,準備歌舞.咁就快d啦,喂.)

旦續唱:半遮掩俏面.........態萬千.(一群舞女伴隨刁嬋起舞.穿插襯托.)

生在群雌中,用目尋覓刁嬋,意亂情迷唱: 似幻似仙...........似飛燕.

(死啦,靚女俾班伴舞遮鬼住添,心急之下離座,走到舞女中) 自噏自唱: 秋波暗裹傳......似風箏斷綫(隨舞追逐刁嬋,好囉,卒之捉住裙上降紗.)

旦唱: 對君嫣然笑,降紗輕掀, (扭動蛇腰擺脫痴纒,遊走.) 軟軟綿綿....似粉蜨遊弋百花殿.

(擺脫完又迎面舞,驚佢唔死,再飄前迎電呂布唱)笑臉盈盈...........綻開扇,來撥君面....唏...呀 (呂生估唔到有此一着,失驚應.) (卒之情關失守,淪陷.刁嬋施展渾身解數.呂布呆若木雞,唔知點算?)

生暈頭轉向,意亂情迷,走向觀眾訴心声唱:美艷雅端....魄也被佔.(暈哂浪.失哂儀態)

刁嬋驚電力唔夠,行動最實際唱: .......半倚奉先.(呢段歌舞,是重頭戲,關鍵所在地,如處理好,應該好好睇.)

生心猿意馬,立唱點翰中板求婚.

嘩,刁嬋再加兩錢肉緊做藥引,風光綺力𥿡唱出少女夢 :求淑眷,尋夢裹千遍.......(好浪漫咁訴夢,唱到呂布暈陀陀,再送埋染唇印手帕,做定情信物,冇咯,呂布冇咯,刁嬋美人計告捷.)....送君留念.

即起長鑼鼓,呂生走個水波浪,指天篤地,又聞下手巾唇脂香,做啞劇心話,刁嬋贈巾,要立即亶告佢老豆迎娶,遲d都唔得,一揼脚,好啦,就咁話啦.

生唱埋七字清,跟住生旦含情默默唱,反綫漁家女小曲,雙雙扎架完塲.

正是明媚春光温侯賞,嘩眾取竉扒逆水.

未研曲藝亂咁噏,啊哈哈哈哈哈哈.

嘻嘻,死未?