輪迴

Joe 楊 : 上次聽你講過因果係好科學化既, 聽落都有D道理, 我接受! 咁咩野叫輪迴?

Pop植 : 通常我地聽到輪迴呢兩個字, 都將佢定型為[宗教化]! 其實真係冤枉! 咁多年黎都比人誤導之下而誤解….

Joe 楊 : 咁, 即係點ar?

Pop植 : 輪迴本黎係屬於多層面, 有自然界; 有機械界; 有人體醫學界; 有經濟界. 由於聽得多宗教化既負面論, 所以將輪迴扭曲成人死左再投胎咁單向淺薄!

Joe 楊 : 唔好係度齋講說教, 可唔可以比少少實例, 令我明白多一D?

Pop植 : 日出即係早上; 日落即係夜晚! 日日如是, 就係日出日落既輪迴! 今日中午十二點; 聽日中午十二點; 尋日中午十二點; 日日如是, 就係時間既輪迴! 春夏秋冬各自排序, 年年如是, 就係四季既輪迴! 疲倦休息, 休息完工作; 工作後又疲倦休息, 日日如是, 就係體能上輪迴…

Joe 楊 : 仲有冇ar?

Pop植 : 依時上學上班; 依時放學下班; 日日如是, 就係工作/讀書既輪迴! 血液透過去管上腦及去到腳指尾, 醫學名稱係血液循環, 其實就係血液既輪迴! 進食後飽肚; 消化後肚餓; 日日如是, 就係五臟既輪迴!

Joe 楊 : 聽落真係有幾分道理喎! 可唔可以仲簡單D黎形容輪迴?

Pop植 : 最簡單就係[習慣]呢兩個字! 習慣 = 輪迴! 習慣有好有唔好; 好既係成聖賢成佛成道成天使; 唔好既成魔鬼成凡夫成眾生! 人不斷重複好既同唔好既既習, 日日如是, 就係輪迴! 就好比時鐘手錶內既大細齒輪相磨, 先至有360度既運轉, 而呢種運轉亦即係輪迴!!

Joe 楊 : 原來係咁, 多謝晒!!