華南投資(0159)東方日報.周維秉

2007/06/12 06:12:49 網誌分類: 問題公司.周維秉
12 Jun

文章轉貼自: 東方日報 dated 12/06/2007    
文:周 維 秉
專欄:關人股事

華南配股動機難明

華 南 投 資 ( 0159 ) 上 月 十 五 日 宣 布 以 每 股 0.35 元 向 不 少 於 六 名 承 配 人 配 售 1.189 億 股 , 並 以 先 舊 後 新 方 式 配 售 , 集 資 淨 額 為 4,030 萬 元 。 呢 批 股 份 佔 已 擴 大 後 股 本 16.66% , 即 係 完 成 配 股 後 , 華 南 投 資 已 發 行 股 本 由 5.948 億 股 增 至 7.137 億 股 。 呢 次 集 資 , 華 南 只 係 話 用 作 一 般 營 運 資 金 , 未 有 詳 細 交 代 集 資 用 途 。

盈 利 穩 定 無 集 資 壓 力
華 南 業 務 相 當 簡 單 , 只 係 經 營 及 管 理 三 條 內 地 收 費 公 路 , 呢 三 公 條 路 分 別 位 於 杭 州 及 山 西 , 並 非 由 華 南 全 資 擁 有 。 華 南 所 佔 三 條 公 路 權 益 , 在 ○ 六 年 截 至 十 二 月 底 止 年 度 業 績 , 共 為 集 團 帶 來 約 100 萬 元 溢 利 , 每 股 盈 利 約 0.17 仙 。

雖 然 公 司 的 盈 利 能 力 唔 高 , 可 以 話 連 每 年 公 司 基 本 使 費 都 唔 多 夠 , 但 勝 在 冇 乜 負 債 , 每 股 資 產 淨 值 約 0.239 元 。 換 句 話 講 , 繼 續 經 營 呢 三 條 公 路 , 華 南 完 全 無 集 資 壓 力 , 不 過 , 為  股 東 好 , 當 然 要 諗 諗 有 無 其 他  搞 。

公 司 發 行 多 16.66% 新 股 , 以 為 會 有 乜 大 計 , 可 以 幫 股 東 提 高 收 益 , 誰 知 管 理 層 乜 都 冇 交 代 , 集 資 只 係 話 用 作 一 般 營 運 資 金 , 而 唔 係 為 股 東 尋 求 更 大 利 益 , 又 無 話 會 物 色 有 潛 質 業 務 或 項 目 進 行 收 購 。 今 次 配 股 只 係 見 到 每 股 盈 利 進 一 步 攤 薄 , 咁 做 即 係 完 全 榨 乾 小 股 東 , 其 集 資 動 機 實 在 好 有 問 題 。

老 周 睇 番 華 南 呢 隻 股 幅 走 勢 圖 , 股 價 在 過 去 三 年 未 見 異 動 , 直 至 今 年 四 月 下 旬 , 股 價 忽 然 由 兩 毫 子 邊 抽 上 三 毫 幾 子 , 稍 作 整 固 後 , 再 於 五 月 中 停 牌 宣 布 批 股 前 , 抽 上 0.51 元 , 宣 布 批 股 後 股 價 最 高 見 過 0.85 元 , 然 後 一 直 在 八 毫 子 樓 下 窄 幅 上 落 , 成 交 除  批 股 上 板 當 日 較 為 活 躍 , 其 餘 時 間 都 係 靜 蠅 蠅 。 好 明 顯 五 月 中 股 價 異 動 , 係 幕 後 人 士 為  批 股 上 演 一 場 獨 腳 戲 , 市 場 有 幾 多 人 參 與 就 不 得 而 知 。

老 周 睇 番 港 交 所 ( 0388 ) 的 權 益 披 露 資 料 , 呢 間 公 司 股 權 高 度 集 中 , 由 主 席 鄭 榕 彬 個 人 持 有 62.42% 股 權 , 經 過 批 股 後 , 股 東 架 構 冇 乜 點 變 , 仍 然 係 主 席 的 個 人 天 地 , 未 見 有 其 他 投 資 者 持 有 超 過 5% 而 需 要 披 露 。

應 詳 細 交 代 集 資 用 途
至 於 承 配 者 係 何 許 人 , 通 告 表 示 係 跟 公 司 無 關 係 的 獨 立 第 三 者 , 當 中 有 冇 無 關 係 的 「 自 己 友 」 , 實 在 不 得 而 知 。 華 南 始 終 係 上 市 公 司 , 即 使 股 權 高 度 集 中 , 唔 等 於 完 全 無 街 外 股 東 , 老 周 認 為 , 華 南 投 資 應 要 為 今 次 集 資 作 詳 細 交 代 。

如 果 華 南 投 資 純 粹 因 為 市 場 資 金 充 裕 , 乘 機 在 市 場 抽 水 , 又 或 者 係 大 股 東 「 興 之 所 至 」 , 大 量 發 行 新 股 益 跟 公 司 無 關 係 的 「 獨 立 第 三 者 」 , 而 大 幅 攤 薄 每 股 盈 利 , 罔 顧 小 股 東 利 益 , 又 唔 需 要 作 任 何 解 釋 ,  咁  情 況 下 擁 有 一 間 上 市 公 司 , 又 真 係 幾 過 癮 。 唔 怪 得 咁 多 做 開 實 業 的 「 老 實 商 人 」 , 千 辛 萬 苦 都 要 將 公 司 搞 上 市 , 皆 因 上 市 後 多  部 免 息 提 款 機 , 諗 起 幾 時 公 司 想 要 錢 , 只 要 印 多 幾 張 公 仔 紙 配 股 集 資 即 成 也 !

 

回應 (0)
我要發表
user