羊兒哀歌（３）

2012/04/11 09:34:04 網誌分類: 經濟

11 Apr

　　美股終於出現今年最差的跌市，杜指跌213點，收12715點，跌幅1．7﹪。話佢最差因為今年其他跌市美股都係在開市頭一個鐘見底，並會在收市前反彈，特別會在歐洲收市後反彈，但昨日彈都唔彈，而且成交好大，紐交所成交9．7億股，平日通常成交只有7至8億股，跌市成交大，顯示市場信心開始動搖。

跌市的觸發點在歐洲，西班牙話佢守唔到削赤要求，令歐洲股市大跌，意大利股市跌5﹪，法國股市跌3﹪，德國和英國股市跌多過2﹪。意大利和西班牙的債息急升，歐洲危機又有重臨的感覺。

過去一段時間，美股一直脫離歐洲的走勢，昨天跟番歐洲走，唔係好預兆，過去一直在等 QE3，怕只怕未等到月底聯儲局決定有無QE3，美股已經插咗落去。

今日想再講講早前寫的「羊兒哀歌」續集。前一陣子網友myself(直升烏蠅)有一個好長的回應，我想引用一下。佢話：「陸sir寫『羊兒哀歌』，用羊比喻小散户真係好貼切，小弟亦有親身經歷。大家都知羊係膽小既動物，大跌市時人心惶惶，眼見身邊人都輸緊錢，報紙所見都係負面新聞，悲觀情勢主導，而散户反而唔敢買貨，唔買就唔輸。往往要到大升市，身邊親友都賺到錢，報紙頭條都唱好，特別係越接近升市尾段，細價股日日爆升十幾%，散仔受火熱既氣氛吸引而入市，上升中既股市容易繼續上升，散仔初段盲目買股多有錢賺，羊的錢本來只係放銀行收息食下草，一旦買股賺過容易錢食過肉就以為自己係一隻狼，哈哈，成群老散歡天喜地之時，散户就越買越安心，股票越買越多。到股市見頂回跌初段，一般仍然係利好消息主導，散户一般開始� 斿X唔止蝕，甚至溝淡，但指數已無力再上拾級而下，散户錢越套越深，到輸超過一半時已經放棄跟進，派對過後留下滿倉跌了七、八既蟹貨，炒埋唔夠一碟，是為『羊兒哀歌』。

　　Myself繼續講：「輸錢皆因嬴錢起，升浪殺人，小弟所見，無數個小升浪每次殺一小群羊都唔好講，大升浪宰羊就更明顯。近十幾年既大浪分別係97年炒回歸、00年炒科網股、07年炒國內資金自由行，每次大升市既概念不同，但每次都有一大群羊被屠宰。97年小弟亦係被殺既一群，其時第一次買股，國企紅籌炒回歸注資，大中細股炒到瘨，恆指直上17000點，其時小弟剛畢業，見阿媽炒股賺到錢，『阿邊個個仔買咩咩賺左30%！』，『阿邊個炒股個個月賺十萬！』，『阿邊個全職炒股個個月執十幾個！』，自己入左間証劵行做，見間証劵行日日逼到爆，又真係好多客炒炒下有錢賺，於是就靠自己少少積蓄，加阿媽打本5萬開始下海買股票，記得個時真係全副薪家一次買哂，買左六、七隻二、三線股，仲同人講，要學巴菲特分散投資，所以買左六、七隻二、三線股，又航運又航空又陸地，真係好『分散』，自己對所買股票毫無認識，只知股升有人買，自己又跟住買，初期真係隻隻都升，巴菲特話要長線投資，所以升都唔放，個時心諗：『開間廠咁辛苦一年都係賺十幾%，我買股揸一個月唔到已經升廿個%，買股至富呢條路係掂架！』，之後亞洲金融風暴，上映外資大鱷夾息沽期指，再借現貨沽，恆指直插8千點，小弟的『長線投資』，一早已經打哂柴，睇都費時睇，呢隻跌到得返幾千，個隻得返幾百，是為『羊兒哀歌』。」

　　佢再將故仔寫落去：「其後二千年，科技股大熱，楷哥日日上頭板，小弟推銷基金，個時既基金有『科技』兩個字特別易sell（賣），行過証劵行又遇見當日逼爆市面，見過鬼怕黑，心知歷史又要重演，所以高位唔買冇輸錢，但最後都忍唔到買左電盈，個時心諗，佢係龍頭股，前身係香港電訊，再加上由高位三十幾跌到八蚊（高位應該係２８元），開始買貨，越跌越溝，結果跌到得返個幾，三十跌個幾係輸九成，八蚊跌到個幾又輸九成，真係30樓跳樓跌死人，八樓跳落來一樣係跌死人，視為『羊兒哀歌』。」

　　佢最後講：「時間來到07年，小弟入左間大公司，前後左右好多同事仔都炒股，其時炒內地資金自由行，短短兩三個月，恆指由二萬五直沖三萬二，牛氣沖天，係公司經常可以聽到同事講股，好多係自己從未聽過的number（號碼），仲幾個同事，每人夾兩三千去炒邊消息股，你話係咪好散，不時『阿邊炒股賺左萬幾蚊請食tea』，『阿邊個放左隻IPO又請tea』，似曾相識既感覺，之後雷曼爆煲金融海肅，身邊同事都好幾年冇再講股，雖然唔知佢地高位有冇走到，恐怕都好難，因為賺緊錢唔會走，輸左錢更唔會止蝕，恐怕都係賺既輸返哂，是為『羊兒哀歌』。」

　　你睇Myself佢不斷重覆「羊兒哀歌」四隻字，從文裏行間都見到一股怒氣，首先我希望Myself化悲憤為實力，畢竟呢啲血的教訓，係自己用錢買回來，十分珍貴，應該記取。

　　你睇Myself自述的經歷，佢已經係一個比較懂得學習的人，想避開羊兒的命運。佢在97一浪做最多散戶做的事情，「買左六、七隻二、三線股」，二三線股升跌好快，在97年那種大牛市，升市時最易賺錢當然唔係買藍籌，係炒輪或者買二三線股。但好多二三線股幕後有莊家，而且愈會升那隻愈有莊，這是一個莊家和散戶對賭遊戲，莊家把一隻廢股炒高10倍，借住個市熱將兩三成貨暗中放出街，佢都回本兼有對開賺，莊家睇住散戶底牌來炒，散戶長賭必輸，呢個教訓表面睇好易學，但過得一兩年，個市旺番，散戶見到啲股日日升，好易又迷番落去。

Myself好似無回頭炒二三線，已經好叻。順道講佢當時買二三線所謂分散投資，佢話「仲同人講，要學巴菲特分散投資，所以買左六、七隻二、三線股，又航運又航空又陸地，真係好『分散』」。我扮巴菲特答，你買六、七貴嘢，無論幾分散，都係貴嘢。

到2000年，Myself無炒二三線，無陪人顛，但最後買咗隻電盈，高位28元無買，跌到8蚊開始買貨，越跌越溝，結果跌到得返個幾，「真係30樓跳樓跌死人，八樓跳落來一樣係跌死人」。Myself你唔好彩，若果你再2000年識得我，你問我好唔好8元買電盈，我會叫你咪買(我當時叫過幾個朋友唔好買)，原因又係一樣:貴。

你會問由28元跌到8元，已經平咗好多，點解仲係貴。關鍵係楷哥用自己間盈科買香港電訊的性質。楷哥大玩財技，盈科投得數碼港，市值炒上3000億，當時已盛傳電訊賣盤，電盈市值亦炒上3000億，然後盈科係以合併電訊的方式買盤，電訊股東唔喜歡可以攞錢走，電訊大股東英國大東電報局就係咁攞現金走咗，記住合併式收購係由合併後的新公司支付收購，財技一玩，即係用電訊的現金俾大東攞走咗，新公司負上巨債，大東套現，新公司股東還債。所以電訊由28元跌到8元，市值仲有近1000億，負債咁大，最賺錢的國際電話市場又開放，電盈點值咁貴? 正常公司10幾倍PE，即係電盈要賺70、80億一年，點賺? 所以Myself當日由8樓跌落來，主要亦係分不出電盈的股價平貴。

要分股票平貴，難免要估佢未來5年、10年盈利，公司愈細愈難估，本來電盈這類大公司較易股，但佢當時涉及無人識估的互聯網業務，加上打破壟斷，所以亦唔易沽，但大路去沽係唔會好。

羊仔要避開危險，首先唔好去綠草如茵的天堂，因為上天無對我地咁好，若買股天天賺錢，仲有人番工。所以大股又好，細股又好，若然狂升，避之則吉。狂升股跌緊落來，也不要去接劍，記住8樓跳樓的教訓。唔識揀股，可去買指數基金，等佢回落得咁上下，PE較低時買，即使買錯，買完即跌，揸一年半載可以到岸，過程中仲收埋息，以此為基礎，然之後先至練工夫睇個別股票，無咁上下功力，想急都急不來。

陸羽仁

回應 (99)

我要發表

2012/04/12 11:07:20 回覆

陸sir,

在你這裡看到”MYSELF”的故事, 真的感慨良多………..! 想當年我都有買電盈, 都係high嘢離塲…….!!!!

現想問, 本人持有金風科技(2208), 現正蟹咗三成, 近幾個月, 它好似在築底的,我想溝貨. 請問意見如何?

陸sir對新能源的看法如何? 之前提過風電有拱應的問題, 今年不知是否有想同情況?

還有, 本人持有”招行” 和 “世戊(813)” 示作長線投資, 但銀行和地產業互相是有所關連的, 是否不應將相同/有相關行業, 同時作長線投資?

己達致”分散風險”?

最後想問, 當"大行"不斷減持一隻股票時,這是否一個警號, 該隻股份都冇乜運行?

"金風"就有這情況了.

謝謝

2012/04/12 09:57:46 回覆

追入大飛機! 殺呀!!! ${#icons_panda27}$

2012/04/12 09:54:57 回覆

12/04/2012 09:06
《深滬個股》中航電子非公開發行Ａ股申請獲中證監通過

　　《***通訊社１２日專訊》中航科工（０２３５７）旗下中航電子（滬：６００３７２）
公告，公司非公開發行Ａ股股票的申請獲得中證監通過。（ｅｗ）

2012/04/12 09:53:38 回覆

大戶兄: 近來水泥幾強, 內銀平又就快除息 ${#icons_panda25}$

大戶終結者 ( 等人齊 ) 2012/04/12 09:52:07 回覆

冇人? ${#icons_panda1}$

2012/04/12 09:27:05 回覆

開升咁小.... ${#icons_dog10}$

2012/04/12 09:21:01 回覆

Luk Sir,

早晨！

本人想問一問，本人持有939,1398,3988,3328作為長線收息及將來退休之用，但有見這幾天Luk Sir回覆網友對內銀的意見，請問是否應轉換其他股份？應如何選擇？

謝謝！

Cyn2009

2012/04/12 09:16:01 回覆

陸 sir,

1688同432都係一D已成定局既股，股價唔會點變。咁點解每日都仲會有人買有人賣咁得意架呢?

謝

Bdroom

2012/04/12 09:05:31 回覆

陸 Sir

講中國4大銀行持貨10年以上要換馬,我只系貪有5厘幾息同唔會執笠咁死啦換咩好呀換招行好定系405好。宜家正一長揸咩都有危險。

2012/04/12 08:38:01 回覆

收割離場
2012年04月12日

　　港股內外交攻，內地通脹數據唔靚仔，港股假後受壓，跟住又輪到美股杜指跌穿萬三點，觸發調整，恒指二萬點關口受壓。

　　雖然負面消息連連，但大市抗跌力比想像中強，上證指數曾低見2280，市傳匯金昨於市場有增持跡象，投資者憧憬匯金救市，午後內房及金礦股持續攀升，令A股最終止跌回升收市。借住恒指跌幅收窄，個別公司老闆「蒲頭」增持，係咁環境下，早前走唔切的股民，而家應該可以等等，博大市會彈一彈。

　　港股連跌三個交易日，恒生指數收報20140，跌215點；國企指數收報10503，跌93點，成交金額由493億元增加至513億元。即月期指全日收報20086，跌222點，低水55點，成交72113張。

　　城市電訊(1137) 宣佈退出香港及加拿大電訊業務，向私募基金CVC旗下公司，出售香港寬頻及相關業務，總代價50.12億元。有「電訊魔童」之稱的主席王維基表明，日後集中發展多媒體業務，未來四年會投資超過25億元。

　　城市電訊是次出售電訊業務所得淨額50億元，會派發約20億元的特別股息，相當於每股2.5元，餘下的金額會用作發展，興建多媒體中心。魔童有心搞電視台，現在出售網絡業務，大把銀彈在手，可以無後顧之憂，同時都好對得小股東住。

　　城電對得小股東住

　　至於城電小股東，若然睇好電視生意，可以收完息再算，否則就可以趁高價沽貨。城電昨日報5.24元，係近期高價，出售業務後，未來公司仲有大筆現金在手，但由於無提供盈利的業務，呢類公司通常會較淨值有一定折讓，故此除非極為睇好電視業務前景，否則應該可以考慮唔等收息，把握股價趁好消息機會離場。

　　港交所主席夏佳理坐到過晒鐘，係時間換人，早前傳言「查死你們」有機會接任，揭盅係港鐵前行政總裁周松崗先啱，佳叔就會再做一年董事。周松崗在港鐵期間，完成了同九鐵合併同可加可減機制，可以話係能人，加上他曾在英國工作，對西方經濟熟悉，能力應該無懷疑。

周松崗接棒唔易做

　　中環茶友話，周松崗現在接替夏佳理，真係要用道遠任重嚟形容。港交所生意係李業廣同周文耀拍檔時係最高速發展期，四大國有銀行先後上市，帶動股價由十幾元升上二百元，到夏佳理同李小加拍檔時，優質國企上市已經上得七七八八，要靠民企同發掘俄國等新興市場的企業來上市，呢啲生意係豬頭骨，辛辛苦苦得個做字。

　　去年開始，內地開始調控收水，流入市場的資金減少，交投下降，係咁環境下，管理層幾叻，結果都只係勞而無功，港交所股價由高位回落後，變成有波幅、無升幅，係二百元樓上叫人搶入的股市名嘴都老早已經執包袱。從近日民企紛紛爆煲，公司上市銳減同會計師樓開始裁員減人，港交所短期生意好難寄以厚望。

　　周松崗上任，茶友話多咗一重困難，就係下屆政府講明唔想再過只靠金融地產食飯的日子，新特首政綱係話要經濟多元化。好多同佢傾過的人話，佢對金融唔熟悉，本來咁唔緊要，但係佢似乎仲唔係咁有興趣，由現屆政府咁重視金融，到將來未必睇得咁多，資源就算唔減少，都無可能增加，所以新主席的工作挑戰性好大，所以就算對周松崗有百分之一百二十信心，都唔好急急咁追入港交所股份住。

　　陸羽仁

大戶終結者 ( 等人齊 ) 2012/04/12 08:21:30 回覆

fly兄,

投機, 大股, 2至3個月走一轉. ${#icons_dog10}$

大戶終結者 ( 等人齊 ) 2012/04/12 08:18:45 回覆

中銀月供價: (於4月11日)

291    26.75

688    15.78

2318   58.15

2800   20.35

3968   15.34

2012/04/12 05:30:33 回覆

Dow Jones Industrial Average (^DJI)

12,805.39 89.46(0.70%) 4:04PM EDT

Prev Close:	12,715.93
Open:	12,716.92

Day's Range:	12,716.92 -12,844.82
52wk Range:	10,362.30 -13,331.80

2012/04/12 01:45:49 回覆

0579 京能清潔能源比 0392北京控股 1193 華潤燃氣, 我的看法是前者最被低估, 你的看法?

2012/04/12 00:51:01 回覆

陸羽仁先生：

昨夜已提問如下，未知是否陸先生看漏了？

你於3-4-2012說：「傳統上，美國投資者在年頭及稅季買股票，所以1月及4月係最多資金湧入股市的月份。」

我於4-4-2012問為何美國投資者在「年頭」及「稅季」買股票？但你於5-4-2012只解釋了「年頭」買股票，請問可否解釋為何美國投資者在「稅季」買股票？美國的「稅季」是否在4月？不是「稅季後」才買嗎？如此便可避免繳交股票增值稅和股息稅。

謝謝。

12-4-2012

2012/04/12 00:15:31 回覆

鼠鼠: 小飛走先一步, 係40樓等你 ${#icons_dog5}$

大戶兄: 投資定投機, 高,中,低風險? ${#icons_panda1}$

2012/04/11 20:20:26 回覆

飛哥、終結者，袋鼠等緊啲羊*由八樓跳落嚟 ${#icons_dog10}$

*不適用於縮手不動會會員

袋鼠現價七成半貨，到八層樓跌落嚟跳樓價都會係六成比率（持股及現金水平不變，股價下跌時現金比率自動上升），持貨都唔算少…

獸人，殺破狼（SPL... or CY）唔可以殺阿爺個市，但影帝可以喎！ ${#icons_panda5}$

animal666 2012/04/11 20:02:33 回覆

Dear Blogmates ...

I am now 100% A50 ...

CY cannot kill grandpa ...

SIGH ...

2012/04/11 19:27:44 回覆

Apple姐，其中一個計GDP方法，係計最終生產總值（唔記得係咪以最終售價計），假設其他一切不變，應該加最低工資係重新分配資源，唔影響GDP。當然實際可能係有部份靠人工低來競爭的企業做唔住，但亦可能低下階層人工多咗會消費多咗剌激經濟。PS 可以更複雜嘅係，又會唔會增加通脹呢？

大戶終結者 ( 等人齊 ) 2012/04/11 19:24:38 回覆

天文台：印尼再發生大地震 ${#icons_panda5}$

2012-04-11 19:12:00

香港天文台初步分析，傍晚6時43分蘇門答臘北部西面離岸海域再發生8.6級地震。

最新的地震震中位於北緯0.8度，東經92.3度附近，即班達亞齊之西南偏南約620公里。

在下午4時39分，天文台亦曾錄得蘇門答臘北部西面離岸海域發生8.8級地震，震中位於北緯2.5度，東經93.0度附近，即班達亞齊之西南約420公里。

大戶終結者 ( 等人齊 ) 2012/04/11 18:43:13 回覆

fly兄, 袋鼠,

還有一些資金可以做羊兒, 買吓股。 ${#icons_dog1}$

咁環境唔知好唔好? ${#icono0_42}$

2012/04/11 18:35:30 回覆

終極一插呀!!!! ${#icons_panda5}$

"外媒稱朝鮮最快明日發射衛星正等待金正恩下令"

2012/04/11 18:27:41 回覆

印尼亞齊省對出海底，下午四時半過後，發生強烈地震，美國地質局修訂強度為8.7級，太平洋海嘯警報中心，發出海嘯預警；泰國南部布吉島及攀牙府亦發出海嘯警告。暫時未接獲傷亡或損毀報告。本港天文台錄得的地震強度為8.8級。

希望無事 ${#icons_panda6}$

2012/04/11 18:05:58 回覆

陸羽仁先生 or any 網友,

請問 HK最低工資增加到$28, or $31,...

會不會增加HK's GDP / GNP ??

(假定受雇人口無變)

Thanks !

******

By the Way,

Apple wong 2012

再一次準備好執平貨

2012/04/11 17:57:55 回覆

鼠鼠: 柴米油鹽什麼都貴, 股票就是最平, come back ${#icons_panda26}$ ${#icons_dog5}$

2012/04/11 17:51:14 回覆

飛哥/縮手不動主席，大笨可否申請豁免，昨日現金比率由10%已套現至25% ${#icons_dog9}$

子龍 (kaka就是大叔的契哥) 2012/04/11 17:12:25 回覆

一哥嫂竟然戴黑超見阿爺, 大膽...... ${#icono0_24}$

2012/04/11 17:05:38 回覆

唔知明天主席大人歐遊回來末咁呢....

這強大的氣必要大人來化解先得.... ${#icono0_42}$

明天好像那個一哥會回來...將点搞那道氣呢... ${#icono0_24}$

2012/04/11 17:01:40 回覆

大戶兄: 應該係牛市調整, 要縮手不動 ${#icons_dog5}$

子龍 (kaka就是大叔的契哥) 2012/04/11 16:50:39 回覆

重生兄: 明天千萬不能跌....好強... ${#icons_panda7}$

大戶終結者 ( 等人齊 ) 2012/04/11 16:20:05 回覆

係熊市，定係調整呢? ${#icono0_42}$

2012/04/11 16:11:08 回覆

將軍那很強大的氣......是上氣定下氣....

定是上氣唔接下氣.... ${#icono_53}$ ${#icons_cat5}$

2012/04/11 16:07:34 回覆

大家重有彈藥，大市未跌完？ ${#icons_panda1}$

子龍 (kaka就是大叔的契哥) 2012/04/11 16:03:58 回覆

重生兄: 噢...中伏, 有很強大的氣.... ${#icons_panda7}$

2012/04/11 16:03:01 回覆

噢....殺下又收市.... ${#icons_dog4}$

大戶終結者 ( 等人齊 ) 2012/04/11 15:43:59 回覆

組長: 你入左八婆? 好快手! ${#icons_panda26}$ x2

2012/04/11 15:37:36 回覆

組長: 你入左八婆? 好快手! ${#icons_panda26}$

2012/04/11 15:35:15 回覆

生髮凌凌姨.....殺呀!!! ${#icons_panda27}$

2012/04/11 15:32:47 回覆

香蕉船: 殺呀!!! ${#icons_panda27}$

2012/04/11 15:29:31 回覆

子龍C苦.....

大戶終結者 ( 等人齊 ) 2012/04/11 15:29:06 回覆

亨仁出山, 必有 Super Hugh Loss!

亨仁救我! ${#icons_panda7}$

2012/04/11 15:25:37 回覆

${#icons_dog2}$

2012/04/11 15:20:48 回覆

好似所有價都停了

以為斷了線 ?? ${#icons_dog2}$

子龍 (kaka就是大叔的契哥) 2012/04/11 15:18:09 回覆

fly兄: 沽才是師父, 買只是徒弟 ${#icons_panda23}$

2012/04/11 15:05:47 回覆

將軍: 請不要做空 ${#icons_panda17}$

子龍 (kaka就是大叔的契哥) 2012/04/11 14:56:31 回覆

亨仁出山, 必有一插. ${#icons_panda26}$

2012/04/11 14:52:38 回覆

照PE計，1仔確實平，諗得過 ${#icons_cat1}$

2012/04/11 14:44:26 回覆

世上只有一個阿一....X2... ${#icons_cat1}$ 將軍我來也

幪面馬仔 2012/04/11 14:41:14 回覆

1157

2012/04/11 14:33:16 回覆

10.2? ${#icons_panda23}$

花姐&馬仔: 係唔係貓貓不笨呀? ${#icons_panda1}$

瀏覽更多回應正在載入...

羊兒哀歌（３）

網誌分類

最新網誌

最新回應

月曆