放飯的一刻 人貓都幸福
2012/04/13 11:19:00 網誌分類: 生活
八個貓頭十六隻眼睛,全都仰頭朝着我看,有時故意哄牠們,來回多走幾圈,讓群貓又跑又叫跟在後頭,場面非常壯觀。這陣子小襪太瘦了,多了開罐頭,讓牠多吃點,貓爺更是瘋狂,紅豆、阿寶會沿着我的褲管爬上來,一下忘記剪指甲的話,大腿準又多幾條紅痕。 為免被瘋狂襲擊,要先施小計將牠們引出客廳,之後快跑回廚房關上玻璃門,才能安心分飯,看着米爺在門外嘈到拆天,有得睇未有得食,我便慢慢擺好貓碗,再隔着玻璃門逗玩牠們一下,讓牠們多跳幾下,運動運動。 門終於打開,八貓飛身搶佔有利陣地,吃得耳仔郁郁,嘴裏發出「唔唔」的聲音。十分鐘後,飽肚貓爺施施然四散,此時叫誰也不會再應了,人貓一天裏最幸福的時刻,到此暫時完結,想再親親,明天請再餵貓罐頭。 關慧玲 |
關小姐:
係"細佬"至真!!
Old-Ox
antydorothy,
你很有心丫,大家請多幫忙。
btw,你右邊隻貓叫「死佬」?????咁搞鬼????
關小姐&各位貓奴
你們好,本人對於電子世界是一個白痴,在復活節假上自己facebook唔知点解出現了很多貓友,於是add了他們,發現很多貓貓,狗狗的義工他們手上有很多待領養的勳物,有流浪,遣棄(都係個D直口) ,虐待……等等,我家有兩隻相撲貓(任何時候都會玩打交遊戲)所以不禁加新成員,為有上來這裏通知大家。可以search 我 Facebook ( Dorothy Lam) 入去睇吓,我個fb 張相是我兩隻錨還寫了他們的名字 (my fb picture )
希望幫得就幫,祝願所有生物和平共處,快快樂樂
關小姐:貓爺竟然可以"頭貼頭"開餐! 真是"好家教"吧, 0依! "尾圍職工用膳"呢?
真真佢地食得好乖, 無鵲巢鳩占, 幾禮貌。
"黃真真"比起阿KIDD, 阿寶同骰仔明顯大兩個碼!!
係呢, 另一圍檯食況如何?
Old-Ox
佢地好乖呀,,,,,,,,,,,
排排食,,,,好好味,食得好開心啫!
可否影到另一隊呢?米米個隊呢?? 比埋我地睇下啦!一定好好笑!
SO HAPPY
如果可以八貓共攝一圖,一定超震撼!!!!!
真真話: 喂, 影夠未...阻住我食野呀...
其實真爺真係Model嚟架, 食緊嘢都識得望鏡頭!仲識得7分面最靚仔呀!