搬家！

由細到大，搬家搬了很多次。 BB時在西環出世，跟住冇耐全家 (當時係祖父母+幾個姑姐+阿爸阿媽+我)搬上薄扶林，跟住小學再搬，中學再搬 (都响薄扶林)。因為當年阿媽阿爸希望我同細佬長大後入香港大學，好可惜，我同細佬都選擇了到美國讀大學。跟住响美國七年差不多搬了四、五次家，讀完書返咗加拿大幾年再搬兩次家，跟住老公話都係返嚟香港發展好，於是又搬返嚟香港，總共又搬咗兩次家，大大話話搬足十幾次家。

寫blog係由我嘅一位非常敬重嘅好友Vivian啓發我的，除了可舒援壓力外，亦可與其他有同樣經歷的人分享經驗，亦可啓發小海琳多寫作，一舉幾得。女兒自從發掘了頭條網後就不斷叫我將個blog搬過嚟，因為好玩D喎！亦因近日多看了陸Sir嘅blog覺得D師兄師姐，金Sir等好有人情味，就好似一班好友咁，於是就由Yahoo Blog搬嚟頭條blog同大家做左鄰右里。

可能海琳條命生成要搬來搬去，就連個blog都不可幸免。