PACO名人會
PACO名人會
PACO名人會

造福貧苦大眾 改善醫療服務 保良局主席梁寶珠抱負大

2012/05/07 08:47:31 網誌分類: 生活
07 May

        香港人出名善心爆棚,香港的慈善服務團體亦特別多,1878年成立、以「保赤安良」為宗旨的保良局,算是香港慈善服務團體的中流砥柱。今年壬辰年保良局的新一屆主席梁寶珠女士,加入保良局已經有12年,她一直視造福貧苦大眾為己任,她上任後最大心願是希望改善保良局的醫療服務,今次就邀請她親自暢談抱負及一連串的慈善計劃。

        主持:黃柏高

        統籌:林永匡

        協力:杜淑霞、袁東亮

        本身是商界女強人的梁寶珠主席,由千禧年開始加入保良局,多年來積極參與局內工作。不過香港有眾多慈善服務團體,當初梁主席到底是為何會選擇加入保良局,就由她親自解說。

        「保良局一向好深入民間,喺六間慈善機構裏面,算係數一數二,可能係上天安排。我78年就入內地做生意,認識咗好多人脈同機構,嗰陣時都捐咗好多錢,去貴州山區興建學校,有次朋友同我講,你成日都捐錢返內地,不如都幫吓香港啲貧苦大眾,呢句說話打動咗我,直到千禧年喺一個Party度,嗰屆主席李張慧美主動邀請我入局,就係咁加入咗保良局。」

        宣傳工作不可少

        梁寶珠主席在上月正式就任,她認為宣傳推廣工作,目前對保良局是很重要,就好似保良局舉辦了兩年多的「社區飯堂」服務,外界一直沒有留意,支持力量自然不足,我決定到飯堂一趟,希望身體力行支持這項很有意義的慈善服務。

        「我喺就職當日都講,真係好需要傳媒朋友,將我哋服務訊息推廣出去畀大眾知道,外界只係知我哋『保赤安良』,仲以為我哋只係搞孤兒院,其實香港依家無孤兒,只係有破碎同問題家庭,外界根本唔知我哋喺教育同老人服務都做得好出色。好似『社區飯堂』,其實喺2010年開始做,已經做咗兩年幾,有需要人士只係畀兩蚊一餐早餐,十蚊一餐午飯同晚飯,每餐有兩餸一湯,如果經社會福利署轉介、因為生活環境有問題嘅人士,仲可以提供8星期免費膳食,行動唔方便,仲會有送飯服務。」

        將成保良局創舉

        梁寶珠主席上任後,在任期內有不少目標計劃,除了希望可以推廣傳統中國藝術粵劇之外,還會在醫療方面有一連串的計劃,希望服務對象的健康,可以得到更全面保障,絕對是巿民大眾之福,亦是保良局的一大創舉。

        「首先會成立一個醫療中心,依家都進行得如火如荼,以往服務對象係有需要先去睇醫生,一定唔夠全面同持續性,如果我哋有自己醫療中心,駐院醫生就可以睇番我哋啲服務對象。我哋仲準備有埋專科服務,因為政府醫院一般專科服務要輪候一年或以上,如果請專科醫生嚟醫療中心義診,由我哋駐院醫院轉介,對我哋服務對象就會更全面。另外仲會籌辦一個醫療手術基金,因為輪候政府醫院太耐,我哋希望幫到部份手術費,等服務對象可以去私家醫院做手術,咁樣就可以救到多啲人,因為救一個人,就等如救咗一個家庭。」
 
■梁主席早前親自參觀保良局葵涌綜合康復中心。
■梁主席早前親自參觀保良局葵涌綜合康復中心。
 
■梁主席希望能夠在任期內,完成一連串醫療服務計劃。
■梁主席希望能夠在任期內,完成一連串醫療服務計劃。
 
■「社區飯堂」為不少有需要大眾提供廉價膳食安排。
■「社區飯堂」為不少有需要大眾提供廉價膳食安排。
■梁主席早前出席保良局舉辦的聯校兒童藝術展,並將小朋友作品送給嘉賓羅敏莊留念。
回應 (0)
我要發表
user