業主放風 月租過百萬 「阿一鮑魚」想搬竇
2012/05/09 10:17:04
網誌分類:
生活
| 香港商舖租金屢創天價，近月唔少歷史悠久嘅餐廳抵受唔住瘋狂加租，被逼結業，連高檔食肆都叫投降！好似富臨飯店老闆楊貫一，佢喺銅鑼灣駱克道經營近三十年嗰間舖，業主近日放風話要加租一倍，至每月一百四十萬元，搞到一哥要提早喺租約期滿前，四出搵新舖搬，繼續讓食客享受靚鮑魚。 一哥同Kelly話，銅鑼灣嘅富臨飯店地舖再加樓上三層，樓面一共大約六千方呎，現在每月交緊七十萬元租金，仲有一年半先租約期滿，但一哥話，因業主眼見銅鑼灣舖租日日升，放定風聲話要大幅加租約一倍，即係唔過百萬都唔駛傾，一哥高呼「離譜」，疊埋心水搬舖。 唔過百萬唔駛傾 唔單止租金難頂，一哥仲話，食材成本都不斷攀升，好似廿頭吉品鮑咁，去年每隻只係千一蚊，但近日就勁升一倍至二千七百幾蚊，加上最低工資實施，人工成本大增，一哥最後把心一橫，決定唔再續租，搵新舖去也。 KellyChu |
 | |
|
回應
(0)
我要發表