不一樣的母親節

過了一個不一樣的母親節..

母親久病纏綿..在去年聖誕節辭世..到了如今..我們情緒已平復..而亦照母親生平心願..在將軍澳永遠墳場選了一幅背山面海墓地..母親永遠永遠安息..

5月1號勞動節我們去拜祭外婆..不知尤誰說起..我們6兄妹好像沒有和母親一齊去外地旅行..2哥說不如一齊去母親鄉下新會行一轉..

好啦,,老哥一槌定音..我們一齊和應..快手快腳決定母親節出發..外婆只有倆個女兒.母親和亞姨..母親年輕時已在香港生活..亞姨留在新會從未來過香港..亦早已辭世..亞姨有6個兒子..多年前母親身體好的時候.那時亞姨還在世..尤幾位兄姊陪同回新會探過他們.如今..外婆.母親.亞姨已在天上聚會.

亞姨6個兒子亦結晒婚.有兒有孫..有倆個來過香港..我們招待過他..我本人反從未去過新會..

我們因假期關係..只能去3天..尤姊姊通知他們我們6兄妹在母親節13號那天殺上新會..第二天往常平..四姊在常平買了一間屋子..我們決定去踩場2天.

好啦..全世界最hea既旅行,,我們一行9個,6兄妹加埋嫂嫂姊夫.13號坐直通車上新會..嘩..原來6個表兄亦陣容龐大,,因為母親節星期日關係..他們傾巢而出..出動幾架車接送..又在新會碧桂園訂了6個房間..原來他們環境不錯..在碧桂園買了房子,每個户主可在碧桂園轄下的酒店.入住3晚..他們慷慨送出..希望我們能浢留3天,,多聚聚.別去常平..

結果我們照行程在14號去東莞常平..在四姊用來渡假屋落腳..那兩天我們幾兄妹只是吃喝玩樂..無目標.無主題..你瘀下我..我潤下你.彷彿回到那些年我們一起篤魚旦的日子..快樂時光容易過..好快15號夜晚轉車在深圳回港.

總括今次行程..純粹探親和消閒..沒有去過什麼景點..倒是吃喝了很多很多卞路里..超愉快..老哥還說..這樣的活動該多攪攪..呵..呵..老哥你有米梗係咁講啦..好啦,,我都多勤力搵銀至得..