轉載 -- 周末理財--Banker退休投資

2012/05/27 02:21:58 網誌分類: 未分類
27 May

周末理財--Banker退休投資
黃遠輝:穩健莫貪

http://hk.apple.nextmedia.com/financeestate/art/20120526/16370238

 

資深銀行家黃遠輝去年8月離開工銀亞洲,現處於退休狀態,他首度公開戰勝通脹魔鬼的個人退休投資金庫,其組合過往9年每年平均回報達78厘。在謹守風險可控的原則下,他打理出一個穩健平衡的多元財富組合,每年收益已足以解決家庭的基本生活開支。

 

 

年均回報7厘跑贏通脹

 

根據其每月更新的財務表統計,他說,該組合至今平均每年回報介乎78厘,不僅勝過當年自設5%的目標回報,亦大幅跑贏近十年通脹率,當中最高通脹為去年的5.3%


首個類別是股票投資,他指自己抱長線投資的心態,故一般會選擇熟悉表現及收息水平滿意的藍籌股和公用股;事前會做足功課,待股價達到合理水位時,用「平均買入法」分段吸納,「所以睇大市走勢多過個別股份,因冇咁多時間每日去跟蹤,亦極少短線炒賣及抽新股」。他對歐債危機感到悲觀,最近將股票類別減持至20%,當中包括金融股,而轉為增持內地公用股及房產信託等收息股。


第二部份為債券,通常買入其熟悉的金融機構及有信用評級的企業所發行35年期債券,一共1012隻,每隻收息率介乎逾210厘,會長揸至到期。近年他亦加入人民幣債券,該部份平均收益率基本達到5厘。


第三部份是現金,他會買澳元、人民幣等高息外幣,作13個月定期存款收息。而當外滙市場「牛皮橫行」時,他會敘造外幣掛鈎存款,如於低位買入澳元,與美元掛鈎,1個月存期可享810厘;但要「啱水位先做,唔可以因為有閑資而心急」。該部份平均回報為34厘。

 

投資唔瞓身,先睇風險

最後一部份是基金,是黃遠輝自認退休組合中風險最高的類別,主要覆蓋自己接觸不到的市場,包括投資新興市場基建、金融機構的基金,以及新興市場債券基金。該類別表現較好,過往平均回報達雙位數,但每隻基金表現差異很大,個別如水利工程的專項基金出現過較大虧蝕,他建議挑選大型基金公司,且有良好的往績。


縱觀市場整體的投資回報,他認為要「穩陣」賺取10%收益並不現實,而較現實的目標應設於5%。總括自己退休基金的投資策略,他認為當中的重要秘訣是忍耐,「從來唔會瞓身,咁多年都冇大輸過;因為退休金唔希望承受較大風險,所以是以風險先行,而非回報高低」。

 

黃遠輝投資心得

投資非常小心,風險先行,目標回報5%
啱水位先買,不可因為有閒資而心急

投資需投入時間和資金,買賣前做足功課
勿百分百假手於人,自己毫無認知,等於送錢俾人使
建議平均每日花費至少1小時留意金融市場動態,如利用智能電話大量財經 Apps
每月都會制定財務表,統計及檢討回報

中產退休要儲800

 

要儲幾多退休金先夠安享晚年呢?對這個並無定律的數字概念,黃遠輝(下圖)表示,相信要滿足本港一般中產家庭退休生活需要,最理想是有800萬元資產,並於50歲開始準備。

 

投資回報5% 月入3

 

按黃遠輝估計,家庭管理資產達800萬元,平均每年投資回報率5%,每年可賺取40萬元用作生活開支,即每個月有逾3萬元。而基層家庭若減半至400萬元,平均每年亦至少有20萬元收入可支配。當中須包括每年每人1萬元的醫療保險開支。


假設60歲為基本退休年齡,他認為,最理想是於50歲開始儲退休金,即中產家庭每月要儲近7萬元。而基層家庭計入強積金約150萬元的一般水平,即退休前10年每月要儲2萬元。不過他強調,這是非常理想化的估算,並且前提是該退休人士已於50歲前解決住屋需要,而且維持合理收入水平。如果是仍要支付租金的夾心階層,上述一切都要推倒重計。


至於消費管理,他反而從無記錄生活開支。黃遠輝說,一直以來都是從源頭上管理,量入為出,很少購買奢侈品。但退休後每年都會作遠途旅行,如去年到瑞士遊覽,今年會到肯亞觀賞動物大遷徙。今年9月他更會回歸校園,攻讀歷史學碩士課程。

 

投資假手於人唔化算

本港近年盛行聘請理財顧問打理個人資產,但黃遠輝卻認為「唔化算」,因有關中介一般「食水較深」,增值能力與自己投資管理的區別不大。他建議市民不要「假手於人」,最好平均每日抽出至少1小時,用以掌握金融市場相關資訊。

買股票成本最低

他指出,期望一般財務策劃師的投資跑贏市場是不切實際,很多基金的高回報都只是曇花一現,而且每年都要收取管理費。「為自己財產投資是要投入時間和資金,而且掌握財金動態亦會令工作和生活有所收穫。除非自己係完全冇時間,或者做其他嘢能帶來更好嘅回報,否則唔好百分百假手於人,對金融市場毫無認知,等於送錢俾人使,就算俾人呃咗都唔知!」


按投資的收費而言,他說,買賣本港股票是成本最低的投資,亦毋須中介代勞;而基金成本則較貴,除了首次認購費用外,一般每年都要支付1.5%管理費;而醫療投資相連保險屬成本最貴的投資產品,他並沒有購買,只為家人敘造簡單而必須的醫療及家居保單。


不少港人靠樓市增值財富,黃遠輝卻從不沾手物業炒賣,無論是車位、商舖等,主因他對收租和加租都感到頗為「棘手」。

 

學者李兆波點評

投資組合總體評分:85分(滿分為100
優點:資產配置相當多元化,回報率很好。
意見:作為退休人士的投資策略,所持現金太多,股票太少,並缺少物業投資。

回應 (302)
我要發表
Persie
Persie 2012/07/02 23:51:52 回覆

cashin:我都有留意Casillas的表情同眼神,都幾明顯,我估是他有心事,有些私人事困擾他。再唔係,就係他已經沒有爭勝的飢渴。我察覺大部分的西班牙球員仍然有hunger,尤其一些從沒有機會出場的人,比如路蘭特,好彩。 

可能球迷怕左西班牙只搓波而不進攻,所以噓定先。後來見他們不斷進攻,就好像沒有噓了。

Persie
Persie 2012/07/02 23:50:35 回覆

soho:說沒有失落是騙你,尤其經歷了個大比賽,每日都同朋友講波經。到可以睡,其實都唔想睡。

 

主席:不要叫個杯做歐債杯啦,足球同經濟不應該混為一談,而我是很討厭交換論,賭波論的。我覺得意大利輸在筋疲力盡,贏德國清脆玲瓏,同歐債扯不上半點關係。

 

好難估喎,唯有用所知的資料,一係同你的舅父一起看,再唔係就約左馬仔睇。k房定戲院?

 

當然有見到托利斯同他的一對可愛小寶貝。傷盡幾許女球迷的心!哈哈!

2012/07/02 23:02:58 回覆

Persie,

Casillas出場前那種表情好奇怪,係好冷漠,唔係冷靜,你一望就會感覺到

那晚射十二碼時都係咁,係佢唔在意冠軍,定佢有心事或已去到另一境界?

我真係唔明點解啲人會噓西班牙搓波,唔好睇?節奏慢?定係唔鍾意佢地太好技術

吹漲!

 

慳妹
慳妹 2012/07/02 22:15:13 回覆

舅父仔:俾你三個機會猜吓我今日凌晨在那裡觀看歐債盃總決賽?

係呀,球賽完咗,見到一眾未來球星穿著同一號碼的球衣出場,班小朋友真係好可愛。 你有冇留意到小托利斯穿著 9 號球衣同爸爸在龍門柱玩?

soho*
soho* 2012/07/02 19:15:17 回覆

七一有落街消費, 但沒有上街遊行

以後唔使成日係新聞見到曾蔭權, 點都係好事 

舅父仔有沒有睡個飽, 瞓番多d補番數? 歐國盃打完, 有冇失落感?

Persie
Persie 2012/07/02 18:05:58 回覆

soho:個特首未上場已經有人叫下台,這個領導班子真不知怎樣收科。 

大家有上街嗎?老實講我已經放棄了,一切在心中。

Persie
Persie 2012/07/02 18:02:52 回覆

cashin:係啊,好彩西班牙射十二碼時又有大班球迷坐在龍門後面打氣。晚都有球迷噓西班牙差波。

Persie
Persie 2012/07/02 17:51:35 回覆

意大利少休息一日,鬥德國後筋疲力盡,還有之前鬥英格蘭到加時十二碼,已疲態畢露,昨晚實在已盡全力,落敗無話可說。同時我不知道換入莫達換出蒙杜利和是否必須。我看莫達踢波多年,因為他曾是巴塞一分子,我並不十分欣賞他,而且他又有長期傷患。有些人反對換出卡斯辛奴,但他是不能踢畢全場的,或者可以頂到60分鐘而已,我對他被換出是完全同意的。基亞連尼可能覺得自己被法比爆過輸了第一球是揭開了大敗序幕,喊到收唔到聲,連派路都異常傷感,但保方分非常冷靜有風度,大方得體,是位完美球星。

 

西班牙贏得錦標,在更衣室的慶祝是很冷靜,不像四年前的狂喜。沙比說在2008Euro,是經歷了四十多年的等待,但今次就四年抱三,到底不同。有可能勝利和錦標從此就變成了壓力嗎?不過我看不會,這個紀錄,前無古人大概後也無來者,是值得大家好驕傲好開心的。 

完場時球星們的小寶貝都跑到球場,我見到Torres的女兒Nora和兒子Leo,可愛得不得了。我有女球迷朋友馬上whatsapp我問,王子咁後生,有兩個孩子?他結婚了嗎?我答係係係,他兒子是在利物浦的醫院出生的。唉,fans們,你們有空可以google下這班球星,他們多數很早就結婚,而且我們是欣賞他們的球技,大家對他們的私事是不用抱太大幻想。連法比都愛上一位年紀好大的女性,傷盡這班女球迷的心。我話,沙維未婚,你們喜歡就幻想一下吧。不過一提沙維,她們又一哄而散,好似沒有興趣,真不識寶,唉。沙維前幾場比賽眼神困倦,演出也一般,但昨晚他眼神回復明亮清澈,一看就知狀態回來了,果然他猛質直線,構成入球,回應了別人說他傳波成功率高是因為只作短傳之說。

Persie
Persie 2012/07/02 05:26:17 回覆

無鋒陣再顯奇功。恭喜西班牙創造歷史,連贏三項世界足球大獎。 

這場比賽我覺得法比加斯打得最好。整個賽事我覺得派路演出最佳。如果一定要選西班牙球員,我只好選卡斯拿斯。

Persie
Persie 2012/07/02 00:52:18 回覆

理性上覺得意大利可勝,但感情上希望西班牙會贏!我反而覺得今晚不會加時。遲些見!

蕃茄
蕃茄 2012/07/01 22:56:08 回覆

今晚決賽, 兩隊防守都好, 五場波以來,失球都小, 兩大門神更加是當今球壇最好個兩個龍門, 覺得今晚好可能會踢到加時, 好在明天是假期, 今晚可以盡情欣賞一場精彩的大戰. 而家先去小睡,  2:45 再見啦.

李聯廣
李聯廣 2012/06/30 12:11:19 回覆

平心而論,德國呢場波都唔算打得好差,錯就錯在後防兩次失誤,就被「腦殘」「神來之筆」的一頭一腳所打垮。第一球係Badstuber顧住搶位冇爭頂,結果反被「腦殘」力壓頂入,第二球好明顯就係德國希望盡早扳平只顧全力搶攻,全隊谷得太上,拿姆包o左越位,紐亞又企出o左,被「腦殘」單刀射個世界波,半場輸兩球差不多勝負已定。年輕球隊即是年輕球隊,打逆境波時便不如經驗球隊了!

今場意大利真係打得好,尤其是卡斯辛奴同保方。臨完場其實意大利仲有個黃金機會,可惜Marchisio獨食冇交畀中間無人看管的隊友,否則可能已3-0完場。決賽我驚意大利未必交得番今場波o既水準,而西班牙冇o左韋拿亦係得番上次捧世界盃o既七八成水準,決賽真係睇臨場表現喇。

2012/06/30 01:09:26 回覆

Persie,

大熱Q撻左 {#iconb_46}

想講番果日西班牙對葡萄牙,西班牙球員一傳波,就有好多噓聲,應該係葡萄牙球迷

所為

 

soho*
soho* 2012/06/29 21:39:29 回覆

    新民黨主席兼立法會議員葉劉淑儀表示,早前獲特首梁振英邀請加入行政會議,她已經答應,但在立法會表決優先審議政府架構重組議案,她投下棄權票,令議案以一票之差遭否決,梁振英再致電給她,說要待她在9月立法會選舉當選後,才邀請她加入行政會議。

{#iconb_268}   掃把頭冇得入局, 出局! Yeah

soho*
soho* 2012/06/29 21:37:48 回覆

德國不但輸波, 連總理默克爾在歐盟峰會都輸埋, 俾西班牙.意大利逼到埋牆角, 作勢反檯, 默克爾終於肯讓步, 全球股市齊叫好

Persie
Persie 2012/06/29 05:10:21 回覆

恭喜意大利隊入決賽。整個比賽之前意大利因假波事件不被看好,但他們穩紮穩打竟擠身決賽,難得。西意正是C組的頭二名,已經對過賽。死亡B組有兩隊入四強,成績也不差。

Persie
Persie 2012/06/29 03:58:57 回覆

如果德國真是落敗,我明日返公司就會聽到好多賭波論,又話係假波,想起都討厭。

Persie
Persie 2012/06/29 03:54:11 回覆

蕃茄:足球比賽好看之處,就是永遠有意想不到的賽果。今次德國幾麻煩。 

我看完Round 1賽事,印象最好的球隊,亦係意大利同俄羅斯,我之前都在這里post左。

蕃茄
蕃茄 2012/06/29 03:40:02 回覆

Haha, 記得 第 1 round 踢完後, 我話意大利係黑馬,睇嚟中左嘞( 至小上半塲係啦) ,今埸波埋門多,入球靚, 好睇。

2012/06/28 23:55:46 回覆

蕃茄,

我都同意葡萄牙今年表現非法好,尤其尋晚既上半場

西班牙踢法同巴塞如出一轍,好多球隊都龜縮,好難如早兩年個d水銀瀉地feel啦,

無左韋拿真係有啲關係架

Persie,

條翻版Q,9成以上開出,係睇今晚要唔要OT啫

慳妹
慳妹 2012/06/28 21:51:17 回覆

非常巧合:德國勝希臘 4 比 2、意大利十二碼勝英格蘭 4 比 2、西班牙又係十二碼勝葡萄牙 4 比 2。

蕃茄
蕃茄 2012/06/28 21:06:08 回覆

可惜, 運氣不在葡萄牙這一邊, 但今年的葡萄牙表現巳超出絕大部份人預期,  讚. 兩年後世界杯再來吧.

反而西班牙踢落無左早兩年個d水銀潟地 feel, 埋門亦似無左種銳利感, 會唔會同前面小左個韋拿有關呢?

今晚派路嘅致命傳送可否刺穿德國防線? 期待中.

Persie
Persie 2012/06/28 18:47:56 回覆

李聯廣兄: 係邊度跌低係邊度企返起身,派路英雄本色!

不過如果當晚由我守龍,一碌葛的站在龍門正中,我可能已把球輕輕摘下。派路不過認為祖赫特臨尾還在看ipad,他一定會撲是但一邊,所以他射中間。

如此說來,拉莫斯昨晚是很大膽,偏向虎山行,比比同碧基的12碼,都是差點被救出但幸好力度勁度還好,可以過關。葡萄牙的艾維斯,披頭散發,眼神散渙,一副失魂落泊的樣子,結果就射失了。C朗就整裝待發、急不及待,但竟然連射的機會都沒有。而我,就最愛看這樣的12碼較量。

李聯廣
李聯廣 2012/06/28 13:47:21 回覆

Persie, 你話派路的12碼輕輕一chip,入就天才不入就蠢材,佢似乎唔係咁諗,原來佢試過咁射過失過手,唔知點解佢仲夠膽繼續咁樣射!

PS 可能反應慢o既龍門就係佢呢招o既剋星。

Persie
Persie 2012/06/28 13:11:26 回覆

如果艾殊利楊格射入,他的12碼會好似蘭尼的一球,衝網頂而入,龍門無從撲救。但差了半尺,就由天堂變地獄。

足球比賽中,還敢說沒有幸運之神嗎?

Persie
Persie 2012/06/28 13:04:16 回覆

cashin : C朗毋須個耿耿於懷。葡萄牙可從死亡之組脫穎而出晉身四強,已見實力。天將降大任於斯人,必先勞其筋骨,就當是磨練吧。C朗終會成大器,取得好大成就,他的努力,有目共睹。我相信他今年就可坐上世界足球先生這終極寶座了。

總決賽再來去年翻版Q嗎?

2012/06/28 12:25:04 回覆

Persie,

 

C朗連射12碼的機會都沒有,唯有仰天長嘆 x 2

 

西班牙下半場法比加斯入替後, 控球好番好多, 攞番個勢,入球機會多左

 

上半場完全唔似一隊冠軍隊, 葡萄牙踢出好壓迫性部署

 

拉莫斯真係同派路一樣, 好! Iniesta都好似係射正中

 

法比加斯中柱入, Bruno Alves中眉唔

真係運!

Persie
Persie 2012/06/28 05:52:57 回覆

GF:嘩,好驚險!C朗連射12碼的機會都沒有,唯有仰天長嘆。

 

西班牙入球機會是較多,都可以話左點數吧!不過如果說這是冠軍隊,我覺得欠說服力。

 

葡萄牙Bruno Al\ves驚到行錯,自己是#4但第三射時已經去射,要蘭尼追上提他。到自己射時狂抽一腳,絕對射得不差但撞柱出。拉莫斯派路上身,也是輕輕一chip射正中。法比守尾門,射之前不停喃喃自語,喃左好耐,終於感動上天,撞內柱入。 

就是如此,時也命也。

2012/06/28 00:49:33 回覆

C朗唔响我捧既隊,就係我既敵人 {#iconb_514}

Persie
Persie 2012/06/28 00:42:17 回覆

GF:一於牛牛牛。

Persie
Persie 2012/06/28 00:33:50 回覆

cashin:我不是認為葡萄牙沒機會。他們真是越打越進步,年輕,快速,看似可以剋死西班牙,但事情不會如此簡單。不過西班牙少左兩天休息時間是事實。 

你知我同C朗勢不兩立,一定打對台。

 

Persie
Persie 2012/06/28 00:28:55 回覆

心戰。

 

原來正常的人去幫不正常的人掩飾,只會把事情越鬧越大。

 

殺死Tansy就當不是魔術師主謀,但魔術師再殺死Tansy媽咪和husband Steve是最無可恕。牙醫SteveNatalie這樣好,死了她無動於衷,是個沒良知的人。我一看就知她和魔術師相同血統,不用驗DNA 

死去的Esther,自以為是的Natalie,表面打出愛的旗號,其實罪孽更深。

2012/06/28 00:27:40 回覆

Persie,

我有個幾燈既朋友投注左葡萄牙受讓同先入球

Persie
Persie 2012/06/28 00:18:36 回覆

bobofox:去到semi final,大家會比較手緊,先落後好麻煩。西班牙就更加喜歡控球戰術,不見得是沒信心而是他們最舒服最熟練的打法。

2012/06/28 00:18:32 回覆

Persie兄:

今晚我繼續死牛一邊頸,1舊隊落鬥牛勇士度啦。

Persie
Persie 2012/06/28 00:15:38 回覆

cashin:我信卡斯拿斯靠得住,今晚西班牙先入波。 

我係怕西班牙好似有些疲態。

Persie
Persie 2012/06/28 00:14:27 回覆

蕃茄:仲係咪兄弟? 

講笑啫,點解唔鍾意西班牙,多少個寒暑巴塞皇馬陪伴我地每個週末週日。

2012/06/27 23:53:41 回覆

Persie,

今晚你估邊隊入波先?

2012/06/27 23:34:16 回覆

波友們, 我要留番明晚睇呀, 今晚幫大家訓左先,

精神上支持 (XXXXXXXX) 唔講得.

希望今晚打場快節奏好波, 咁你地還想不想看 12 碼? {#iconb_526}

EYT ~~

PP, 肯定係SIR 的問題, 八字唔夾, 相沖.............

蕃茄
蕃茄 2012/06/27 21:01:31 回覆

各位球迷,

睇埋最後三晚歐國杯就抖暑了, 要撐埋佢呀.

今晚十點幾瞓, 2:45起身睇雙牙大戰 , haha, 我今晚同 persie 打對台, 鋤強扶弱, -> 一於支持:

c朗 嘅 葡萄牙成功爆冷 {#icons_cat9}.

 

Persie
Persie 2012/06/27 14:20:28 回覆

經過時間的洗禮,三注長江基建 @ 45.3 連息, 44.3, 42.5 都上返水面,真安慰。

Persie
Persie 2012/06/27 13:01:24 回覆

bobofox::我們已揪出罪魁禍首,他是費格遜!

Persie
Persie 2012/06/27 12:59:14 回覆

GF: 你真是形容得妙!只是全真七子後繼無人,如果沒有郭靖個陣式會在有任何一子傷出後崩潰。幸好西班牙後備兵源充足,或許稍有不及first 11 但亦都可以維持戰陣。今屆我看著柏度因傷缺陣長時間,到傷愈哥迪奧拿不斷給予機會,將他由鈍磨到利,到公佈23人名單前他恢復入球能力成功躋身最後23人。哥帥真係他恩師。上次見柏度後備入替表現活躍兼且博得12碼球,想起哥帥已遠走,令我有百般滋味在心頭。

西班牙這種控制性踢法,球員要不斷走動,非常透支體力,所以他們都要小心自己唔好莫氣。葡萄牙真是越踢越進步,進入四強並非負碌,他們中場線活力十足,左右有C朗蘭尼開弓,不可少看他們。

2012/06/27 01:07:46 回覆

PP, 聰明一世的何賭王, 如不跌一跌, 怎會被分了身家?

一個人總有鬼揞眼的時候, 如果睇完國際VS AC , 飛燕諾回港,

份身定仲有一半, 狐豬去埋睇曼聯先番HK, 咁就瓜瓜了.

可是當時睇波真的好開心, 係巴治奧收山前睇一場現場, 是夢想成真 .

好彩佢出來踢半場, 我很滿足.

你的0既分析, 睇到我七上八落, 訓唔著賴你地架 {#iconb_3114}

2012/06/26 22:49:53 回覆

Persie:

你的比喻很有想像力。460無鋒陣式,集體衝鋒和防禦,倒有點像全眞七子的天罡北斗陣。防守上,即使奪去皮球,陷身戰陣中,立即面臨四方八面的包抄攔阻,更遑論組織進攻。進攻方面,沒有進攻重心,中線人人都有取分本錢,教人防不勝防。

說起來,徹底玩弄對手,然後待敵人精疲力竭之際發動致命一擊,不就是傳統鬥牛士的絕技?

Persie
Persie 2012/06/26 13:05:02 回覆

bobofox : 拿拿拿,破產咁大件事不可以賴巴治奧。你當日一定有別的事情才掉下期指市場的吧,聰明如你,又怎會不知道期指市場望少一眼都唔得?

Persie
Persie 2012/06/26 12:44:51 回覆

我看意大利派路和迪拿達利踢波,總覺得好優雅,好浪漫. 迪羅絲也從當年起踭爆人鼻的輕狂小字,到今天的成熟衛將。卡斯辛奴更加克服病魔,重上綠茵場。

前晚派路的輕輕一chip 12碼,入就天才不入就蠢材,但派路當然係天才。明晚會是派路的最後一夜嗎?不過派路在高峰由AC米蘭轉到祖雲達斯馬上奪冠,亦拿過世界杯冠軍,已有完美人生。

Persie
Persie 2012/06/26 12:43:21 回覆

GF: 西班牙的無鋒陣,像不像楊過的玄鐵劍,重劍無鋒,大巧不工?看似沒殺傷力但隨時置人於死地。如果上次法比加斯能將沙維的斜直線傳球轉化成入球就可將此戰陣精妙之處表露無遺。可惜法比不是前鋒,不是一個天生嗜血的predator,雖完全領會沙維所想但起動稍慢被龍門破壞攻門。

2012/06/26 01:02:29 回覆

PP, 可能因為去睇巴治奧輸到破產, 付出太多, 無法放下.

我知道錯, 可是不悔~~ 有好波睇 , 是最開心的事~~

2012/06/25 19:23:34 回覆

鬥牛勇士有樣絕技的確舉世無雙,就係短傳三角傳,靠的是球員間的默契。德國隊體能強,講究戰術,應係鬥牛隊的天敵。

瀏覽更多回應 正在載入...
user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。