不如讓她愛我...

bb姪女識叫我, 又特登唔叫我...

我呀媽叫佢叫「姑姐」, 佢話「冇」~

我呀媽再叫佢叫我, 佢又話「冇」 =.=

係咪怒我一星期唔探佢先...

我都唔知幾緊張佢,

做完個小一註冊日, 就即刻想到佢要入幼稚園,

即刻想參考所見既俾band 1小學既portfolio,

想幫bb女整個入幼園既portfolio~

又想幫佢報多d班, 好似其他人咁多証書~

好想買裙仔俾佢影多d生活照,

好想幫佢寫好多好掂既descriptions...

好想整到本portfolio好靚~

一返到屋企, 我勁肚餓都想教佢用兩蚊放嚮月曆紙下面玩蠟筆印畫...

佢拎走左我支蠟筆添呀 >0< (燒餅餅送俾我既一set蠟筆呀!!!冇左一支!!!)

可惜bb就係唔多理我...

佢呀媽仲幫佢剪到頭髮勁短,

邊有香港bb女d頭髮咁短架先???!

點影相整portfolio?

唯有用電腦加頭髮, 或者買d假髮帽仔俾佢,

因為咁樣襯唔到裙仔囉。

做功課做到胃抽筋咁...

依家搵下幼稚園portfolio點整, 休息下

但係點先可以令佢鍾意返我呀...

(明知整portfolio果d會令佢更加憎我, 哈哈)