旅遊雜講 (3)

2007/06/24 01:29:53 網誌分類: 旅遊
24 Jun

        阿水懶醒咁講:「邊有人好似你咁衰,有嘢食都好似難為你咁!交通方面睇你都唔方喺好嘢。」

        我輕鬆咁答:「經歷都唔算太差,重好好彩添。」

        喺交通安排方面,跟團點都着數啲。諗吓幾十人爽錢租駕旅遊車周圍去,條數點都平過自由行逐程搭車。再想像吓尋晚浦到好夜,第二日有駕專車係酒店門口等你,上車舒舒服服眠一眠,睏醒欣賞名勝或古蹟,簡直就有夢境成真嘅 feel 。不過又算好得曬,有幾次跟東南亞團,亞導遊都話明、唔可以帶開咗嘅榴槤入公眾冷氣地方,聽講當地政策都唔準。但係點都有團友帶榴槤上車食,榴槤依家嘢好似煙仔咁,鍾意就係寶,唔鍾意會覺得幾討厭。敢買榴槤上車多數都喺啲有勢力嘅人士,如果有人敢出聲制止嘅話,佢嚟緊幾日都有排受。

        有人可能會咁問:「自由行又會唔會好啲?坐車同你平時出街一樣,無你講該啲人事問題。」我諗可能無呢啲嘢,但喺會有其他嘢。好似有次同啲 friend 自由行坐巴士,地點就費時講,喺巴士入面就發生騙案,過程十足十電視警訊同報章寫咁樣,而家講翻出嚟都重驚驚哋,不過好彩係遇到騙徒,唔貪心就會無事,萬一遇到山賊,咁就大鑊!

 

 

 

 

 

 

* 以上文字全用香港口語及大量白字表述,如閱讀時引起各方困難及不安,請多多包涵。

回應 (1)
我要發表
則卷小雲
則卷小雲 2007/06/24 02:36:21 回覆
我都係咁話, 尤其是上國內, 坐公車真係好危險啊! 果d劫匪會預先埋服, 並把去路封住, 跟著洗劫公車上的乘客啊! 有d人好醒目, 會把錢用針線縫在內衣上, 好等遇到被劫後, 仍有個錢旁身呢~
user