貓之再訓練
2012/06/08 08:39:03 網誌分類: 生活
貓爺本性放任,特別我家全都是一把年紀的貓精,想訓練牠們跟朋友的貓RollRoll一樣懂得畀手仔,過程令人沮喪。 對食味最有反應的米米,嗅到我藏在手裏的零食,亢奮得團團轉,貓頭只懂跟住我的手左右左右擺動,給牠吃了一粒,下一粒牠依然如是,貓耳甚麼也聽不進去。 讓紅豆來試,牠嗲了幾聲,吃不到,悻悻然走開了;真真就像嗅覺視覺都出了問題,看不到聞不到,完全不理。 老人家阿寶睥睨我一眼,像說老人家不會做馬騮戲的,別妄想了。 幾個回合下來,再沒有貓對我的引誘有興趣,要做動作才有得吃,牠們寧願曬太陽去。 到我完全放棄攤在沙發時,八隻又全都遊過來挨身挨勢,牠們鍾意就來不高興就走,人是無Say的。 關慧玲 |
soso88,
係丫佢地係會玩水機架,証明好吸引囉。我係兩個月換一次濾芯嘅。
唔該晒呀, 臭蕃薯
我買左 Hagen Catit 2公升的水機了 ! 我家兩寶貝好像發現新大陸般左嗅嗅右嗅嗅 ... 但佢地玩水和洗手多過飲水羅
soso88,我一路都係比過濾過嘅水比我家主子飲,不過唔會煲。就算而家用水機我都係用過濾過嘅水!水機嘅濾芯大約一個月就要換一次。
關小姐 :
唔該晒 ! 但濾芯多久換一次呢
soso88,
我從前也是給煲過水牠們飲,但牠們不愛那種味道,反而舔水龍頭的水,漸漸就變咗飲生水,咁多年又無乜嘢。
我的水機是在旺角買的,設計成一個八卦般的模樣,八隻貓差不多日日飲清,一定要日日加水,同埋換濾芯。
pak ma:
明白晒 唔該您呀
soso88
hi,,我日日換水機的水架,,,您留意洗水機內膽時,是滑滑地,
(尤其是多貓飲用的水機)
所以要勤清洗,,而且佢地鈡意飲新鮮水呢 係麻煩d,但安心d囉 ,
我的貓爺由細到現在,我都比煲過的水牠們飲的!
臻淇貞子, 我同意, 米米個樣好寸
想請問下大家, 比寶貝飲的水是水喉水, 還是煲過的水 ? 另, 電動飲水機的水要多少日換一次呢 ? 是否要日日換水呢 ? 多謝幫忙
肥米寸寸貢
sammisp821,
唉你簡直說中了我的心聲....
仲有,,,,,,,,,,,,關小姐,,,,您養到米米好靚仔呀 ,,,,,佢個樣話倒比我知,,佢極滿意這個家庭 & 您,,哈哈!
米米佢真係好可愛架!
其實,貓爺健康、開心、食得瞓得,對我來說,已經滿足!
貓爺肯聽話,直情開心到暈啦! 好似獎勵緊個主人一樣,哈哈!
我覺得係比手仔呢個動作係貓爺群族中係一d都唔會成功,但如果角色身份調轉,例如米米要問米媽拎野食,只要喵一聲,米媽就會比手...應該係遞隻手出去,再攤開,米米就會食到小食囉...
關小姐﹕
你要吊高粒小食,貓貓必然仰望,順勢叫"sit",再按底貓pat,等佢坐定定才給牠,試多幾次就ok。切忌操之過急,每天約訓練10分鐘。祝你成功!
我家的都係一樣, 簡直嘥氣!!!
How about 骰仔? 佢後生, 都唔成功?