《懸紅》派笑彈 薛凱琪：萬子話我頸長！
2012/06/11 08:46:21 網誌分類: 娛樂
| 薛凱琪（Fiona）公開坦承曾患抑鬱想自殺的過去，意味她已得到解脫，下月7日及8日首踏紅館台板舉行處女騷《Filicious Fiona Concertin 2012》讓人期待，我敢說，Fiona的喜劇細胞很豐富，浮誇得惹人喜愛，屬新一代喜劇女星，跟杜汶澤、萬梓良在新片《懸紅》中，狂派笑彈，放下包袱盡情演戲，有喜有悲，觀眾定必要入場支持。 主持﹕黃柏高 統籌﹕林永匡 協力﹕袁東亮、彭燕燕、龍婉琪CreditofFiona: Wardrobe：BlessedAreTheMeek makeup：（FrancesHo@JessicachanmakeupWorkshop） Hair：JoLam@QueensPrivate-i 場地：香港怡東酒店ToTT'sandRoofTerrace 踏上紅館台板開騷，是歌手的夢想，入行8年的Fiona終能實現，其個唱門票更在10分鐘內火速售罄，難怪Fiona非常感動。 「我相信每一個藝人在演唱會開售前都會擔心滯銷問題，我第一次在紅館開騷，大家都睇好我，但世事無絕對，所以心情是既興奮又緊張，開售前一晚我更加瞓唔到，不停上網Check銷售情況，其間有Fans在微博留言話個網壞咗，心諗唔係咁黑仔呀，後來先知因太多人買票而Jam線，覺得好感動！依家開個唱係一個好時機，我仍然能用把少女聲去唱少女味重的《奇洛李維斯的回信》，相信再過五年後唱，已經沒那種感覺。」 專輯班底絕頂 為配合個唱，Fiona將推出全新專輯，除有耳熟能詳的精選成名作外，更添了多首快歌，班底更是頂級人馬，誓要給樂迷一個驚喜。 「今次大碟有80%快歌，《NineFifty-Five》是一貫的Sweetie作品，而《AllYouNeedIsMe》較美式、重POP味，得到方大同、Edward、Fergus等出色音樂人幫手，真係好開心，方大同仲即席Rap段歌詞，跟不同的音樂人合作能擦出火花，《倒刺》是恭碩良為我編曲，何秉舜做監製，講述贖罪，當中提及自己以前唔開心的事，令我明白到要MoveOn的話，就一定要原諒所有傷害過你的人，而最需要原諒的，其實就係自己。」 首次自導MV 跳出框框，嘗試創新，Fiona自編自導自演《倒刺》MV，把那年那天患情緒病的心路歷程投射出來，讓觀眾了解多一點。 「我向公司申請想做《倒刺》MV的導演，好慶幸公司畀機會我試，MV找了很多我信任又相熟的朋友幫手，杜汶澤唔收錢幫我監製，仲話以最低Budget去做最多嘢，幫我安排一切，讓我安心做導演，拍到最後阿澤一度阻止我剪片，但我好堅持去做，真係好感謝佢畀我試，這次經驗，讓我以後更Respect幕後工作人員。也嘗試為國語作品《BeterMe》作曲作詞，靈感來自當日自殘時所領略的道理，無論你覺得自己幾咁勁，身邊總有一個人當你公主般看待，令我知道ICanBeBetter。」 感激萬子教路 很喜歡Fiona，她的喜劇細胞強勁，還夠膽卸下包袱，在新片《懸紅》中演活粗魯神化女，說到跟前輩萬梓良的合作，Fiona笑言獲益良多。 「早前參演馮志強執導的《懸紅》時，獻出很多人生第一次，包括好惡去鬧人、爆人樽，好幸運電影能入選烏甸尼影展，「搶戲爸爸」（萬梓良）係我所認識的人中，最熱愛演戲的演員，所以非常搶戲，只要當日我稍為Hea就畀佢搶晒戲，記得初初唔太熟時，佢同我講：『Fiona，你個樣好靚，但作為一個藝人只可以畀人見到你最好一面，而你條頸就長咗少少，所以對住鏡頭時要記得就位。』令我覺得佢除咗好喜歡拍戲外，仲係一個非常照顧、教導其他人嘅前輩，喺佢身上我學到好多。」 |
 | |
| |
 | |
 | |
 | |
 | |
| |
 | |
 | |
| |
| |
回應 (0)
我要發表
