援交新聞_1

以經濟學而言係供求(Supply & Demand)問題; 以個人而言, 係權利義務既問題. 同樣地, 自由係需要代價, 並唔係免費. 所以自由(Free)或免費既背後, 係要付出一定既費用(Fee)! 援交既新一代, 以物質同享受黎掛帥, 既然比唔起所應該支付既, 唯有用肉體黎交換. 只不過代價未免太大, 而後遺症卻未必即時產生.

我地基於人生經驗不足既情形底下, 既要享受, 又唔想受父母阻擋, 更要打住自由旗號, 當然係一往直前義無反顧. 至於後悔與否, 自然唔會擺係心度. 以為自己可以一力承擔得起, 緊係會遇佛殺佛, 遇魔斬魔啦. 縱使結局嚴重, 都比唔上而家即時可以享受得到既快感! 至於仁義道德, 唔該通通讓路, 咪阻住地球轉.