新確科技（1063）東方日報．周維秉

新 確 科 技 （ 1063 ） 最 近 又 提 出 供 股 建 議 ， 距 離 上 一 次 供 股 ， 還 未 夠 半 年 時 間 。 若 然 公 司 業 務 發 展 具 前 景 ， 作 為 小 股 東 ， 對 供 股 唔 會 感 到 抗 拒 。

問 題 係 呢 家 公 司 去 年 剛 蝕 大 錢 ， 加 上 主 要 股 東 之 間 的 糾 紛 尚 未 明 朗 ， 咁 快 又 要 再 次 伸 大 手 板 集 資 ， 實 在 係 為 難 了 小 股 東 ！

股 東 糾 紛 仍 然 未 明 朗
講 起 新 確 ， 過 去 兩 年 發 展 實 在 令 人 失 望 ， 事 關 公 司 ○ 五 年 下 半 年 業 績 開 始 大 幅 倒 退 ， ○ 六 年 度 更 錄 得 虧 損 高 達 3.49 億 元 。 去 年 十 二 月 ， 公 司 提 出 二 供 一 方 案 ， 理 由 係 去 年 與 Uniden （ Uniden 於 去 年 七 月 才 入 股 新 確 成 主 要 股 東 之 一 ） 訂 立 之 生 產 總 協 議 未 達 預 期 效 果 ， 加 上 「 出 現 非 預 期 的 延 誤 」 ， 結 果 令 公 司 蝕 錢 ， 更 面 臨 沉 重 財 務 壓 力 。

之 不 過 ， 供 股 建 議 提 出 不 久 ， 新 確 與 兩 名 執 董 即 接 獲 Uniden 函 件 ， 內 容 稱 新 確 「 作 出 錯 誤 聲 明 ， 違 反 商 業 聯 盟 協 議 及 生 產 總 協 議 」 ， 並 聲 稱 建 議 供 股 會 攤 薄 Uniden HK 於 公 司 之 股 權 ， 對 其 造 成 「 不 公 平 影 響 」 ， 又 提 出 若 干 要 求 ， 「 包 括 取 消 建 議 供 股 、 購 回 Uniden HK 所 持 的 股 份 及 支 付 賠 償 與 利 息 」 。 新 確 其 後 明 言 ， 兩 名 執 董 已 堅 決 否 認 有 關 指 控 ， 並 透 過 法 律 顧 問 以 書 面 形 式 拒 絕 有 關 申 索 。 而 據 其 後 發 出 之 供 股 結 果 資 料 顯 示 ， 供 股 獲 得 超 購 ， 但 未 有 明 確 表 明 Uniden 是 否 已 按 比 例 供 股 。

今 年 三 月 ， 新 確 再 發 出 通 告 ， 指 會 對 Uniden 提 出 之 指 控 作 全 力 抗 辯 ， 並 已 於 三 月 十 九 日 向 對 方 送 達 「 終 止 通 知 書 」 ， 兩 者 間 並 無 任 何 未 完 成 定 單 ， 顯 然 是 要 劃 清 界 線 ， 但 究 竟 雙 方 爭 拗 要 拖 幾 耐 才 有 結 論 ， 而 在 有 結 果 前 ， 有 關 紛 爭 會 否 影 響 公 司 的 業 務 發 展 ， 小 股 東 心 有 數 ！

再 加 注 風 險 實 在 太 高
沒 料 到 ， 本 周 二 ， 新 確 再 宣 布 十 供 三 方 案 ， 每 股 供 0.38 元 ， 集 資 7,006 萬 元 ， 主 要 用 作 加 快 將 廠 房 由 深 圳 國 威 遷 移 至 梅 州 新 廠 ， 而 公 司 執 董 歐 沛 達 、 梁 錫 光 及 華 富 證 券 將 出 任 是 次 供 股 包 銷 商 ， 假 設 並 無 其 他 股 東 接 納 供 股 建 議 ， 公 眾 股 東 （ 包 括 Uniden ） 之 持 股 量 將 由 56.04% 攤 薄 至 43.11% 。

究 竟 今 次 公 司 供 股 ， 是 真 正 為 應 付 業 務 發 展 ， 抑 或 係 要 借 題 發 揮 ， 背 後 乃 主 要 股 東 之 間 角 力 ， 真 係 難 下 判 語 。 但 橫 睇 豎 睇 ， 老 周 認 為 小 股 東 再 加 注 風 險 實 在 太 高 ， 為 免 再 受 牽 連 ， 都 係 以 退 為 進 ， 為 呢 項 投 資 止 蝕 ， 另 謀 他 選 作 罷 。