中國金融產業投資基金（1227）東方日報．周維秉

近 期 股 市 交 投 暢 旺 ， 不 少 上 市 公 司 都 把 握 機 會 ， 在 金 魚 缸 中 抽 水 ， 此 舉 本 來 係 無 可 厚 非 。 之 不 過 ， 上 市 公 司 集 資 所 得 ， 係 咪 用 得 其 所 ， 股 東 們 值 唔 值 得 支 持 ， 就 好 視 乎 個 別 公 司 營 運 及 管 治 水 平 。

若 然 遇 上 有 些 缺 乏 往 績 支 持 、 營 運 透 明 度 又 不 足 股 仔 伸 手 ， 老 周 勸 各 位 要 帶 眼 識 股 ， 唔 做 唔 錯 ！

股 價 升 幅 十 分 驚 人

好 似 今 日 老 周 講 中 國 金 融 產 業 投 資 基 金 （ 1227 ） ， 乃 一 家 上 市 投 資 公 司 ， ○ 二 年 掛 牌 以 來 ， 已 連 續 四 年 業 績 見 紅 。 呢 幾 年 投 資 上 市 證 券 而 錄 得 如 此 劣 績 ， 其 管 理 水 平 及 投 資 策 略 效 益 確 實 成 疑 。

單 看 ○ 六 年 度 業 績 ， 年 內 營 業 額 僅 14.2 萬 元 ， 虧 損 274 萬 元 ， 主 要 源 自 出 售 買 賣 投 資 之 已 變 現 虧 損 淨 額 212 萬 元 ， 以 及 法 律 和 專 業 費 用 18.8 萬 元 。 據 披 露 ， 該 公 司 管 理 一 家 上 市 公 司 證 券 Bolton Group （ International ） ， 另 投 資 非 上 市 公 司 哈 爾 濱 （ 香 港 ） 食 物 、 Notters Land Management 及 Netx 。 雖 然 公 司 揚 言 對 未 來 業 務 前 景 充 滿 信 心 ， 但 老 實 講 ， 單 憑 三 言 兩 語 ， 以 及 缺 乏 往 績 支 持 下 ， 實 在 難 以 令 人 有 所 共 鳴 。

最 近 ， 該 公 司 宣 布 ， 按 每 股 5 仙 ， 進 行 1 供 12 ， 集 資 5,040 萬 元 。 換 言 之 ， 每 持 有 1 股 之 現 有 股 東 ， 要 大 0.6 元 出 供 股 ， 否 則 持 股 將 被 大 幅 攤 薄 。 供 股 消 息 發 出 後 ， 該 股 的 股 價 由 0.62 元 水 平 急 升 ， 至 本 周 二 高 位 見 2.3 元 ， 升 幅 十 分 之 驚 人 ！ 股 價 急 升 過 後 ， 相 對 於 供 股 比 例 同 作 價 ， 似 乎 較 容 易 令 人 接 受 ， 但 老 周 對 之 有 所 保 留 。

查 實 ， 今 年 五 月 九 日 及 五 月 三 十 一 日 ， 該 股 曾 先 後 透 過 配 股 集 資 合 共 1,190 萬 元 ， 作 為 投 資 香 港 上 市 公 司 股 票 及 一 般 營 運 資 金 ， 而 今 次 供 股 集 資 相 對 大 額 資 金 ， 亦 只 係 用 於 「 加 強 本 公 司 現 有 投 資 及 根 據 本 公 司 投 資 目 標 將 該 所 得 款 項 淨 額 作 股 本 投 資 」 ， 並 未 見 得 有 特 別 吸 引 投 資 項 目 。

投 資 回 報 毫 無 把 握

好 老 實 ， 依 家 股 市 交 投 暢 旺 ， 股 民 隨 個 人 喜 好 ， 買 賣 不 同 業 務 性 質 上 市 證 券 ， 十 分 之 容 易 ， 透 明 度 和 流 通 量 都 有 一 定 保 障 。 反 觀 呢 家 公 司 過 往 投 資 表 現 差 劣 ， 本 身 股 份 買 賣 亦 唔 係 咁 活 躍 ， 投 資 者 為 咩 要 透 過 呢 家 公 司 去 投 資 上 市 和 非 上 市 證 券 ， 隔 山 買 牛 唔 在 講 ， 投 資 回 報 又 毫 無 把 握 ！

再 講 ， 截 至 上 月 底 ， 呢 家 公 司 每 股 資 產 淨 值 只 係 4 仙 。 除 非 手 頭 上 資 產 價 值 突 然 暴 升 ， 否 則 如 何 支 撐 目 前 股 價 水 平 ， 實 乃 一 大 疑 問 。

近 年 股 市 多 唔 少 股 壇 新 手 ， 老 周 叮 囑 佢 一 句 ， 投 資 股 票 除 靠 運 氣 之 外 ， 基 本 分 析 功 夫 同 資 料 搜 集 實 不 可 少 ， 輕 率 下 注 ， 隨 時 恨 錯 難 返 ， 到 底 牛 唔 飲 水 唔 得 牛 頭 低 ， 與 人 無 尤 ！