冇得睇英國奧運

Joe 楊 : 弊啦! 弊啦! 冇得睇免費轉播英奧2012既精彩賽事啦!

Pop 植 : 咁, 即係點?

Joe 楊 : 咩野即係點呀? 你都唔關心國際盛事既?

Pop 植 : 值得關心咩? 冇得睇你做唔成人咩? 冇得睇你會瓜老襯咩?

Joe 楊 : 閘住你把烏鴉口啦! 我淨係覺得好可惜咋, 冇得睇當然唔使死!

Pop 植 : 咁就得啦! 呢個係政府無能, 商家壟斷既問題! 關你關我事咩? 自尋煩惱!

Joe 楊 : 全港七百萬人無辦法睇英奧, 當然條氣唔係幾順架!

Pop 植 : 唔順氣係一回事; 解唔解決倒又係另一回事; 你何必乸屎上身?

Joe 楊 : 就係比你激死, 好似單單野都同你無關咁既?

Pop 植 : 有本事你走去鬧有線囉! 冇本事, 都唔好係我既耳仔邊製造躁音!

Joe 楊 :  !@#%^*)(__)(*&^%$#