享受

唔知道幾時開始, 亦唔知道從邊一個人口中作第一次描述; 更唔知道從邊一個人口中作第一次既轉述, 不過, [享受]呢兩個字經已廣泛咁流傳. 顧名思義, 享受享受, 享完就受, 確係天經地義既. 好似日日放縱式吃喝玩樂, 有咩野辦法唔病餐死? 既然都唔愛錫身體, 自然玩到冇時間休息, 自然享在前面受在後面囉.

換一句話黎講, 就係經濟學既權利與義務; 宗教學既因與果; 心理學既轉移. 雖然名稱唔同, 實質都係一樣. 享係因, 享到唔識節制, 自然會病, 病就係果! 既然享受係權利, 付出代價自然係義務. 著重享受, 則重心自然會抽離平淡生活, 心意識轉行到吃喝玩樂各方面去. 因此享完就受, 係天地間最公平既法則黎既.