你死左去邊?

好多時我地同朋友約會, 等左好耐, 對方至出現. 或多或少會好勞氣咁彈出一句: 你死左去邊, 點解搵你唔倒? 呢句:[你死左去邊]真係可圈可點! 佢有兩重意思!! 第一重好簡單, 意思係鬧對方淨話死去邊度, 咁耐先至到, 令大棚人等你一個? 第二重好嚴重, 意思係問緊對方知唔知當你瓜左老襯既時候, 你會去邊度?

係上天堂? 抑或係落地獄? 下世做人? 抑或係做畜牲? 有無神論既人, 都會異口同聲咁反對有輪迴呢件事! 同時亦會堅持相信所信仰既, 就會得到好好既照顧, 安排到生前所想所願既地方去! 其實, 邊個人可以寫包單? 除非係生前, 廣行善事, 大積陰德, 先至有保障死左之後會去邊度! 陰德, 係天知地知當事人知咋!!