世事無絕對!

世事無絕對! 呢句老生常談既哲理名言, 確係見地非凡, 唔係我地普羅大眾可以第一時間消化同埋接受! 絕對既另一面係相對. 以術數黎講, 絕對係一, 相對係二! 一既然係絕, 所以無對可言, 古人多數以一呢個數字代表真理; 二既然係相, 所以彼此對立, 基於對立先至會產生左陰陽真假虛實正邪道魔等等通用名詞!

例如圓周360度, 所站既角度唔同, 所睇既視野自然有別. 由於忽略左自己跟對方所處既位置, 從而以自己既角度出發黎批評對方既錯. 以圓周理論而言, 雙方既立場係成立既. 只不過角度唔同, 至有睇既野唔同; 更加會有立場既唔同. 對立, 由此而衍生種種誤會磨擦; 意見, 由此而互訴對方既無理; 導致兩敗俱傷!!