講一套做一套?

係人都會同老友啦; 家人啦; 同事啦; 拖友啦等鬧意見, 特別係對方承諾左既野冇做到, 係嬲到爆既時候難免情緒會失控, 自然衝口而出鬧對方[講一套做一套]! 由於係火遮眼, 講野都唔會經下大腦, 所以連自己講錯左都唔知, 認真攪笑. 點樣講錯? 之唔係[講一套做一套]囉! 呢六個字本身係冇問題, 講個個有問題.

如果對方冇履行諾言, 只可以鬧佢係[講一套做另一套], 而唔係鬧[講一套做一套]! 試想一下, 如果你講要訂做一套西裝, 裁縫師當然係做一套比你, 唔會做兩套咁傻咁誇張. 又如果你買一層樓, 地產商唔會比兩層過你! 所以, 講一套做一套係絕對成立. 只不過我地唔想清楚呢句說話本身有陷阱, 自己踩落去都唔知.