你算老幾?

同朋友鬧意見, 難免衝口而出講一句[你算老幾?] 呢一句可以係傷盡人心, 踐踏人地身份令其無地自容既話, 意思即係[幾時輪到你出聲 / 揸主意 / 話事]! 從側面黎講, 即係當對方隱形冇到, 所講既一切可以不理. 如果係咁, 有咩野辦法唔比人認為藐視梗自己? 更淺白D黎講, 莫過於取笑對方不自量力得白痴低能

我地既反省能力好多時都會好低! 好似問人[你算老幾?]; 卻從未問[我係老幾?]! 呢種只知有己不知有人既作風, 梗會攪到神憎鬼厭; 同時呢種稱呼人少得罪人多既態度, 種下左唔少危機, 令到自己隨時身陷險境! 或者有人會質疑有冇咁誇呀? 唔信, 不妨試試! 隨時出街比人打一身都唔知發生咩野事, 因為太寸之過.