受完就了?

間唔中會聽到宗教界人士係講經說法既時候彈出兩個字[受了], 仲會強調係[受了受了, 受完就了]! 係唔係真架? 會唔會搵笨架? 真係一受就了咁便宜? 有冇老點? 其實真相確係咁樣! 不過, 要受既時候受唔受得起? 呢個受字係指受氣受冤屈受無理取鬧等各方面, 如果自己既忍耐力唔夠, 隨時火遮眼還以顏色鬧對方.

所以, 受了受了, 一受就了. 呢個了係指一了百了, 再冇手尾跟! 前面都講過, 當事人要胸襟廣, 凡事睇得開, 唔會斤斤計較, 先至可以抵得住人地既種種無禮! 可惜, 我地唔明理既梗係唔夠班去受, 唔受自然了唔倒恩怨. 另一方面, 就算明一部份理既都未必可以受得了; 除非真明理既人, 先至可以有咁既忍耐力度.