唔三唔四

咩野叫做[唔三唔四]? 相信好多朋友包括自己都比人話過鬧過取笑過[唔三唔四]! 有時我地大頭蝦懶天真咁講左或做左一D野, 原本希望付出小小心意黎令大家開心, 點知效果強差人意或者悉得其反, 先至比人話! 不過, 數字既出處並唔係個個都知! 其實, [唔三唔四]有另一種解釋, 嚴格黎講仲係一句鬧人鬧到勁既添!

中國有門傳統學問叫做易, 仲分開先天同埋後天兩種! 以先天易(或叫做八卦)既方位黎講, 一六位北方代表智; 二七位南方代表禮; 三八位東方代表仁; 四九位西方代表義; 五十位中方代表信! 所以, 比人話唔三唔四, 其實係比人鬧梗不仁不義! 可能古人講野厚道, 唔想太過直接傷人既自尊, 用左呢種間接方法提點!