更明白自己
2012/07/27 20:48:27 網誌分類: 生活
上次去河源係5日, 今次去山東係6日~
去河源時我係年長果堆, 去山東時我係年輕一輩...
於是, 今次學到好多野!
而各位前輩都好關照我呀~
想學會自立, 所以自己報團。
希望呢幾日有時間寫返個遊後感~
今次識左好多新既朋友,
希望可以keep到多d見面, 雖然大家好似年紀爭好遠。
我鍾意學野, 亦想了解生活更多既層面!
呢個專業發展既交流團令我知道山東既教育同香港已經幾近似,
但上次去河源就feel唔到, 可能同城市規劃、地方經濟有好大關係。
青島好靚, 梧桐樹好靚(真係唔同!), 膠州灣都好靚~
不過大明湖好令人失望呀!
四面河花三面柳既只係一個角落,
其他地方竟然搬左d海豚黎做海洋劇場, 仲有過山車, 扮海洋公園咩。
青島啤酒節既場地有摩天輪玩, 大家遲d去應該就係啤酒節。
有好既團友, 當然亦有自己唔多喜歡既團友。
背景極唔同: 人地係港島區住既, 教港島名校,
冇野傾得埋, 尤其有時我覺得呢d出身既人會囂, 而事實擺在眼前,
我甘做一個窮既風骨人, 都唔願咁樣攀登。
回應 (0)
我要發表