PACO名人會
PACO名人會
PACO名人會

留鬚形象得廣告客歡心 三哥:全靠大家賞識

2012/07/30 08:41:50 網誌分類: 娛樂
30 Jul

        一直很欣賞三哥(苗僑偉),入行超過三十年的他,除了工作態度認真又專業外,對家人和一眾影迷更是愛護有加,難怪太陽金業也吼準他的專業形象而誠邀出任代言人,「全靠大家賞識」三哥說。的確,出道至今,他可靠又穩重的形象深入民心,謙虛的性格更是贏盡各界掌聲,怪不得就連大中華的導演們也要爭相向他招手拍劇。

        主持﹕黃柏高
        統籌﹕林永匡
        協力﹕袁東亮、龍婉琪

        三哥的專業態度與顧家的形象贏盡口碑,這次能夠成功邀請他出任為太陽金業集團的代言人,三哥實在是當之無愧。

        勝任有餘

        三哥﹕「初初收到電話時非常愕然,以為係搵我拍戲,殊不知係搵我做太陽金業嘅代言人,真係好多謝大家嘅賞識。能夠成為金業代言人當然非常開心,因為大家都知道,『賣金』最講誠信,所以能夠成為佢哋嘅人選,證明我嘅誠信實在不容置疑,所以我的確感覺好榮幸同開心,加上太陽集團的嘅實力非常雄厚,而且我自己對『金』亦有一定程度信心,認為『金』比股票來得更實際,值得向一眾投資者推介來投資,所以好高興能夠成為該集團嘅代言人,初初為咗套劇留鬚,仲擔心會影響做代言人嘅形象,點知大家仲讚好,覺得更專業,可靠。」

        排山倒海

        人人都讚三哥做戲了得,的而且確,睇得又演得的小生實在少之有少,難怪三哥的工作量排山倒海,廣告、劇集,一個接一個。

        三哥﹕「早前忙於拍攝、宣傳廣告活動,而最近就去咗法國拍咗一個洋酒廣告,係關於白蘭地,對方仲話搵我嘅原因原來同樣係睇中我留鬚嘅形象。下個月月中至月尾(即8月),就會同Bosco(黃忠澤)、Benz雄(許紹雄)返TVB拍攝一套新劇,到時相信會比較忙,而早前所拍一齣關於時裝警匪片嘅《雷霆掃毒》,就會喺9月尾見街,嗰齣劇會同林峯、吳綺莉、官恩娜、徐子珊及黃智賢等人合作,我喺劇內飾演行動組嘅高級督察,劇內會有唔少打鬥、槍戰場面。」

        北上發展

        出道三十多年,三哥的演技早已達到爐火純青的境界,就連內地的導演亦因為他的演技而頻頻向他招攬,據知三哥的最新力作更將於今年8月,在內地湖南衛視隆重推出。

        三哥﹕「我一直都同內地有接觸,而且亦計劃再到內地開劇。其實,去年年尾所拍嘅《花開半夏》已經喺今年年頭拍完,呢套劇係內地嘅芒果影業聯同導演所拍攝嘅時裝劇,大概會喺8月尾,於湖南衛視播映。呢套劇係改篇自一套網絡小說,故事講述一對男、女年輕人自小已經係孤兒,長大後各自被命運安排而遇到唔同嘅挑戰,女主角後來遇到我,成為我嘅女兒,但後來竟然發現佢係我同前妻所生嘅真正女兒﹗當中好重戲味之餘,男女主角之間嘅感情線亦錯綜複雜,係一齣好感人嘅當地重頭劇。」

        細心選擇

        雖然人人都知道大中華市場是一個發展的好機會,不過最近的內地網絡爆破後,問題隨之以來,正所謂「見機行事」,三哥亦言明要細心挑選有實力的班底,才決定來年大計。

        三哥﹕「?家內地嘅市場好亂,所以會睇《花開半夏》呢套劇嘅收視、效果、市場反應等等再決定來年大計,由於早前大陸網絡價錢泡沫爆咗,好多搶得好高價錢嘅劇集已經開始調低,變相令到好多藝人接劇時嘅價錢浮動得好厲害,加上好多拍咗嘅劇集都未知會唔會播映,所以要睇定啲,要小心留意製作單位、劇本、實力、配搭等等再決定。」
 
 
■三哥與三嫂(戚美珍)結婚多年仍然恩愛如昔,實在是圈內恩愛夫妻的典範。
■三哥與三嫂(戚美珍)結婚多年仍然恩愛如昔,實在是圈內恩愛夫妻的典範。
■早前拍攝《雷霆掃毒》時有不少槍林彈雨的場面,難怪三哥笑言唔易拍。
■早前拍攝《雷霆掃毒》時有不少槍林彈雨的場面,難怪三哥笑言唔易拍。
 
■三哥與樊亦敏(Amy)於《雷霆掃毒》內首次合作,第一場已是拍瞓街戲。
■三哥與樊亦敏(Amy)於《雷霆掃毒》內首次合作,第一場已是拍瞓街戲。
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.