係咪騙案呢

前幾晚有電話搵我但我睡左

昨晚同一個電話搵我, 個女人仲留言:

「係咪xxx小姐呀? 我係xxx老師 (以前工聯會課程d老師) 既學生,我叫xx lau。 請你覆返我電話xxxxxxxx。」

其實以前個老師嚮果行有少少名氣, 有人冒佢學生做騙案既話真係有機會~

等我想下個騙案可以點發生:

「你呀sir已經死左, 要交帛金呀!」

「幾錢?」

「x千蚊。」

「邊度交?」

「呢個銀行互口: _______」

以上係我既假想, 但可能佢唔係扮呀sir死, 係扮呀sir有班:

「呀sir新開左班... 有冇興趣? 交左學費先, 用呢個戶口交:_______」

燒餅成日話我有妄想被迫害症,

而事實上個電話可能只係咁:

「 呀sir想d舊生聚一聚, 幾年幾月幾日, 嚮邊聚一聚咁, 有冇時間呢?」

咁我一定話「冇」架喎, 所以, 都係唔好理個電話, 佢打多幾次黎冇人應就唔打, 除非咁arm我聽左個電話, 然後:

「我想搵xxx小姐。」

「你邊位搵佢?」

「我係...」

「佢係我家姐, 佢俾左個number我用呀, 所以我唔係佢。我幫你留言, 睇佢覆唔覆你丫~」(我冇細妹, 所以唔會中電話騙案)

咁咪得囉。

呀sir, 我係咪好冇人情味? 知你大概70歲, 但個劉小姐真係冇講明咩 事, 我點可以覆佢, 容咩易係最新既電話騙案, 騙到d資料, 然後用d資料騙我身邊既人架?

哈...................