可愛的財演

孫柏文， 一個二百六十磅的財經分析員，曾經因為醉酒主持節目，被有線電視炒魷；早前在無線《盛女愛作戰》節目，其「帶女食麥當勞論」被全城咒罵，鋪鋪「開口夾著 脷」。近期在商台開咪講股的他，突然靜悄悄消失了。原來他於上月初，在家中發生罕見意外，不單跌親後腦，還差點咬斷條脷，昏迷兩天，一度入住深切治療部。 有傳曾酗酒的他，又是酒精惹的禍，亦有指他接吻時被女友咬斷脷，這次他親自為「斷脷」解畫。一向講多錯多的孫柏文，今鋪名副其實「開口夾著脷」。

現已出院的孫柏文， 瘦了一個碼，剃了鬍鬚，嘴角還有藍藥水漬，「之前我條脷，腫到合唔埋又講唔到嘢，個嘴角又不停流口水呀。」他向記者「伸脷」展示傷口，記者當堂嚇得無曬反 應，只見其脷中間打橫一條極深的傷痕，一條脷前後兩截色，前面是一大片死肉。對於今次意外，他解釋說：「七一當晚執屋，屋企仲好亂，跟住走去瞓覺，凌晨起 身屙夜尿但無開燈，想過廳中間張梳化去廁所，點知大步過廳中間張梳化去廁所，點知大步跨唔過。」他後腦着地，牙亦不自覺大力咬脷，當堂噴血昏迷，在家失血 十二小時，幸好母親的工人上門找他，把他送院，才保住命仔。「工人事後攞番袋血淋淋嘅衫俾阿媽，佢見到好嬲，因為我條底褲係佢親手做俾我嘅，依家俾醫生剪 爛咗！」

原來孫柏文咬斷了條脷的六條肌肉，在深切治療部昏迷了足足兩天，脷表皮已縫過針，但其後還要為斷了的肌肉做手術。他現時雖然可以說話，但發不到R及L音，孫柏文說 「斷脷」最大影響是：「本來要用條脷做嘅嘢做唔到囉。」記者哄前問：「打茄輪？」他也哄前低聲說：「意外後都未試過，我都想試吓！」事實上，他連吃都有困 難。在又一城的Dan Ryan's Chicago Grill內，他點了一碟凱撒沙律，眼見他逐條菜吃，吃到中途還因有菜攝入脷，要用牙籤挑出，如是者吃了一小時，留下的肉醬意粉，只吃了幾口，要打包回家 慢慢吃。「依家好多了，之前日日淨係飲奶同菜汁。呢件事我阿媽最安慰係，以前佢成日叫我食嘢食慢啲，依家終於要慢慢食，瘦咗廿磅。」

我的酗酒日記

有關「斷脷」的原因，有指他被女伴咬傷，「我聽過呢個版本，係青姐（行家胡孟青）傳出嚟o架，佢話我錫人時隻手唔規矩，被人一嘢咬落嚟，哈哈哈……」有酗 酒記錄的他，亦有傳今次是酒精累事，他才回復認真說：「我戒咗酒喇。」事源去年九月，他主持有線直播財經節目，因為醉酒大出洋相，當日拍檔黃元山問他歐美 救市措施是否如水泡，他語無倫次說：「攬住水泡……我鍾意……鍾意……」他承認當日做節目前連續飲了兩天威士忌，節目完結後被炒，他說：「梗係後悔啦，人 哋唔同你合作，我明喎。」

飲酒的習慣始於大學，孫柏文在美國密歇根大 學經濟系讀書，「當時我呢個香港嚟嘅肥仔，可以一次過飲大大杯啤酒，贏晒啲鬼仔，成件事好enjoyo架。」○六年他開始在傳媒寫專欄，開始有人議論，但 口沒遮攔的性格，令他收了不少律師信，其後他認為專欄內容改變不了社會歪風，便愈飲愈多漸成魔，「朋友開始唔想同你食飯、朝早想飲回魂酒……。」他自言被 有線炒魷，開始正視酗酒的問題，「有個朋友介紹兩個曾經酗酒嘅銀行家俾我，呢行原來好多人酗酒，佢哋同我傾偈，之後我開始做運動，生活習慣有規律，同一班 同道中人互相扶持，依家真係無飲酒喇。」

被有線炒後，他在《am730》的專欄及商台的節目相繼停止。以為他的財經演員生涯從此畫上句號，怎料數月前重返商台以全職員工身份夥拍火燎森主持財經節 目，「年初睇相，相士話我今年有事業運o架。」不過現時卻因「脷傷」休養，未能開咪，「商台咁都唔同我解約，仲唔係有事業運？哈哈。」但若果手術後舌頭仍 發不到捲音，這份工亦凍過水。黑開有條路，他數月前和女友分手，上月尾買入熊證，其後恒指大升，成為明燈。其在《爽報》的三百萬投資組合，現時大跌三成 一，很大機會繼火燎森後，成為下一個被踢出局的參賽者，他自嘲說：「明燈都叫有social value吖。」

語重心長勸戒酒

孫柏文曾 在《蘋果日報》任職，記者對他印象最深刻的，莫過於天天在公司飯堂見到他的人字拖加短褲打扮，他解釋：「以前股票行做，慣咗咁樣著先諗到嘢。」如今在商台 開咪，對他衣著的容忍度大減：「人事部出通告，唔准同事著人字拖返工喎。仲唔係針對我一個？」故此他買了一對同樣疏氣的Crocs涼鞋，鞋上夾一個 Hello Kitty裝飾便日日著。外表不修邊幅，但其全家是專業人士，父親是律師，自幼送他讀英基學校，母親是護士，家姐當獸醫，妹妹做醫生，他是全家唯一一個 「無牌人士」，家住父親給他的深水埗天台屋。是次意外，沒令母親失望，他說早在家人「預期之內」。十多天後孫柏文要再做手術，「要等到兩邊死肉甩掉，先可以再做手術將條脷前後兩邊縫埋。做完手術一個星期又唔可以講嘢。」今次他否認是酒精惹禍，但他多次語重心長地說：「我想帶出一個訊息，希望大家知道飲酒唔好，如果有酗酒，一定要承認，一定要搵人幫！」