I'm not a Plastic Bag
2007/07/06 17:15:16 網誌分類: 時事
曾經，麥記出過一系列snoopy公仔，食餐換的。最初，沒人要。後來，不知是哪兒傳來的傳聞，說旺角信和有人出二千蚊收購全套，於是，香港人瘋了，一間間麥記都大排長龍，很多人買一個餐，換了公仔，然後把個餐丟掉，因為吃不下！人們為了排隊爭購，推推撞撞有之，打起架來有之，唔捨得丟掉個餐，食到痴肥的有之……
好了好了，就當那個「二千蚊收購傳聞」是真的，如果那個二千蚊是麥記中人出的，我相信，那個人該已升做Marketing高層。
時代不同，但人性依舊。不用去信和，上網就得。
上次我經過尖沙嘴AH，見到有個環保袋，粗劣的布袋，上面印著「I'm not a plastic bag」，個款勁核突，我諗，街邊$20有找啦！後來網上流傳，這個袋「有得炒喎」、「百幾蚊一個袋，限量推出，炒上幾千蚊都得！」、「好多明星都用佢喎！（數來數去，我只係知周麗淇一個……）」
於是，掀起了排隊搶購潮，那些人冒雨排隊推撞起哄爭崩頭上晒報紙頭條電視鏡頭。
這情景，似曾相識。
上次馬會爭換馬王模型，沒得炒也爭到人踩人，這次「有人話有得炒」，還不瘋狂？
香港人……偶爾用一下大腦好不好？
不是沒腦可用，是有腦不用。平時格價慳個一蚊幾毫之時，落pub媾仔媾女之時，上大陸買老翻過關左避右避避開海關check袋之時，不知幾醒。
但到了炒股的時候，大部分人都沒有用腦。聽到個冧巴，公司名字做哪一行盈利多少負債多少甚麼都不知道，成副身家放落去炒。於是，習慣成自然，一聽到個炒字，就會癲，大腦短暫閉塞。
所以，去吃炒飯總是漏單，因為侍應大腦暫時塞了，根本沒落單；聽到炒魷時，伙記會發癲，因為個腦黐晒筋。
香港人……偶爾用一下大腦好不好？
精警。