世紀建業(0079)東方日報.周維秉

2007/07/06 20:44:17 網誌分類: 問題公司.周維秉
06 Jul

文章轉貼自: 東方日報  dated 6July 2007 
文:周 維 秉
專欄:關人股事  

 

世建漠視小股東感受

世 紀 建 業 ( 0079 ) 最 近 提 出 二 供 一 集 資 計 劃 , 乃 過 去 二 十 三 個 月 內 , 第 三 次 進 行 供 股 。 雖 則 話 , 呢 家 公 司 購 入 旅 遊 及 博 彩 相 關 業 務 後 , 去 年 收 入 已 大 為 改 善 , 但 公 司 尚 處 於 虧 損 狀 態 , 小 股 東 仍 處 於 捱 打 狀 態 , 如 今 又 傳 來 供 股 噩 耗 , 確 實 難 為 了 小 股 東 !

 

世 建 目 前 主 要 從 事 旅 遊 及 博 彩 、 健 康 及 美 容 服 務 、 借 貸 、 股 票 經 紀 以 及 貿 易 五 大 業 務 。

 

收 入 增 惜 未 扭 虧


○ 六 年 度 營 業 額 明 顯 增 加 至 5.34 億 元 , 按 年 增 加 18 倍 , 當 中 大 部 分 是 來 自 銷 售 旅 遊 及 娛 樂 套 票 業 務 , 可 惜 收 入 大 增 , 未 能 令 公 司 扭 轉 虧 損 狀 況 , 年 內 該 業 務 之 經 營 溢 利 僅 419 萬 元 , 面 對 公 司 每 年 兩 、 三 千 萬 元 行 政 開 支 , 而 其 他 業 務 難 成 大 器 , 結 果 公 司 全 年 依 然 虧 損 , 蝕 85 萬 元 。

細 看 其 去 年 度 業 績 , 旗 下 位 於 澳 門 之 博 彩 及 休 閒 相 關 業 務 競 爭 激 烈 , 今 年 表 現 如 何 , 實 屬 未 知 數 ; 健 康 及 美 容 服 務 業 務 錄 得 虧 損 , 去 年 八 月 公 司 已 出 售 旗 下 個 人 美 容 及 健 康 中 心 , 只 保 留 經 營 品 牌 髮 廊 , 但 此 舉 充 其 量 只 能 止 蝕 。

 

轉 盈 把 握 並 不 大


而 借 貸 、 證 券 經 紀 及 貿 易 業 務 , 全 年 營 業 額 只 係 十 多 萬 至 一 百 多 萬 元 不 等 , 不 足 一 提 。 觀 此 業 務 發 展 格 局 , 公 司 轉 盈 把 握 有 多 大 , 看 官 心 中 有 數 。

 

繼 前 年 八 月 公 司 提 出 5 供 1 ( 每 股 供 0.11 元 ) , 以 及 去 年 九 月 先 進 行 20 合 1 , 再 按 2 股 合 併 股 份 供 1 股 ( 每 股 供 0.4 元 ) 後 , 本 月 初 , 世 建 又 宣 布 進 行 2 供 1 , 每 股 供 0.35 元 , 集 資 3,200 萬 元 , 據 講 用 途 係 「 倘 未 來 物 業 投 資 需 要 額 外 資 金 」 , 公 司 將 把 有 關 款 項 撥 作 有 關 投 資 之 用 , 但 就 未 見 披 露 具 體 投 資 計 劃 。

 

值 得 留 意 , 今 次 供 股 , 由 公 司 控 股 股 東 Barsmark 出 任 包 銷 商 , 假 設 沒 有 其 他 合 資 格 股 東 接 納 供 股 建 議 , Barsmark 及 一 致 行 動 人 士 之 持 股 量 , 將 由 53.51% 增 至 69.01% 。

 

醉 翁 之 意 不 在 酒


控 股 股 東 出 任 包 銷 商 , 理 論 上 係 對 公 司 前 景 抱 有 信 心 表 現 , 之 但 係 , 其 實 公 司 截 至 去 年 底 止 手 頭 現 金 尚 有 四 千 多 萬 元 , 資 產 負 債 比 率 為 零 , 亦 無 任 何 資 產 抵 押 , 目 前 並 未 有 實 質 投 資 目 標 , 即 使 真 係 搵 到 心 水 筍 盤 , 大 可 透 過 其 他 融 資 渠 道 進 行 , 用 不 如 今 要 勞 師 動 眾 進 行 供 股 , 一 來 漠 視 了 小 股 東 感 受 , 二 來 亦 難 免 令 人 感 到 , 公 司 今 次 供 股 , 醉 翁 之 意 不 在 酒 。

講 來 講 去 , 老 周 認 為 , 世 建 核 心 業 務 投 資 效 益 仍 須 時 顯 現 , 現 階 段 未 見 得 有 加 注 理 由 , 避 免 泥 足 深 陷 , 縱 使 供 股 價 較 公 司 每 股 資 產 淨 值 折 讓 達 59% , 都 係 唔 做 唔 錯 為 妙 !

 

回應 (0)
我要發表
user