再談_爆粗_1

爆粗, 駛唔駛要擇日? 駛唔駛要睇身份? 駛唔駛搵風水地? 要唔要爆粗, 由當事人既修養黎自行決定! 動不動爆粗, 或會證明當事人唔一定冇知識冇文化; 但一定係冇品! 人類既係自己標榜為萬物之靈, 點解係出言吐語既時候爆粗? 何況有理又好冇理又好, 鍾意幾時爆就幾時爆; 鍾意點樣爆就點樣爆; 咁樣至有性格?

進一步講; 三歲以下既點解唔會爆粗? 係三歲仲未完全識講野爆唔響口? 抑或係受父母洗腦後仲未有機會爆響口? 由BB到十八歲呢段歲月係吸收一切知識最快最多既黃金檔期; 無論好既壞既一學就識; 先至有學好三年學壞三個鐘既俗語流傳! 當然, 係情緒發洩既時候爆粗, 總好過隱藏心底, 以雙面人處世得更透明.