人亡物化

有時勸人地或比人勸自己要睇開D啦; 又或者係睇化D啦! 咩野叫做化? 所謂人亡物化! 即係人死左之後, 身體既有機物質都會化為空氣或者係血水. 因此, 如果唔係老友既, 都唔會叫對方睇化! 隱諭叫對方趁地淋早D死! 特別係我地呢班中坑, 以及七老八十既老坑仲更加敏感, 聽見個化字同個死字, 都會覺得唔多老黎!

如果從學問既立場去睇人亡物化呢四個字, 就有極端唔同既解釋啦! 人亡, 可以被理解為未死先學死咁扮死狗, 即係低心下氣認錯認低威, 將天大既事化小然後化無! 物化當中既物字, 係自己物慾既意思, 化就係唔再堅持擁有或企硬自己冇錯! 何況, 亡字可跟無字通用! 當人無值得驕傲既, 自然就會少好可要求慾望!