絕食
2012/09/02 00:30:50 網誌分類: 寫作
小朋友如果唔肯食飯，大人應該點做？唔好理佢，由得佢餓落去，然後走入廚房煮多啲好野食，最好炸下雞翼，薯條，煮到有咁香得咁香，引到個小朋友流晒口水為止。等佢餓到忍唔住就自然走埋來食野。總之唔好理佢就得，千祈唔好衰心軟！
聽講有班小朋友絕食中，扭計要大人聽晒佢地話。我就覺得果班大人千祈唔好睬佢地，否則後患無窮。我會建議大人最好搵個人享佢地附近，不停播放徐小鳳的「叉燒包」，又准許小販在旁邊賣下咖哩魚蛋、燒魷魚、煎釀三寶……，實行用香味引誘下佢地，睇佢地仲忍得幾耐？
我好憎人要脅我，如果傾唔掂就要絕食，咁就繼續啦！個肚同條命都係你自己的，點解要虐待自己來達到目的？人生漫漫長路，你可以永遠用呢種方法去解決問題嗎？小朋友以為自己做緊英雄，其實俾人利用左都唔知。或者餓幾日個腦會清醒一些，就繼續飲水啦！
Indy!
+1
來自Yahoo! Hong Kong主頁有關 [國民教育爭議專頁]
之一段留言，
[我們難道還不應該一方面加強國民教育，另一方面積極促進香港的學生青年到內地參觀、考察、交流、學習嗎？而把這種非強制性的參觀、考察、交流、學習說成是「洗腦」，公平嗎？
更為弔詭的是，現在拚命反對國民教育的教協、民主黨、公民黨，過去都對國民教育拍手贊成。《明報》2007年7月1日李先知的文章說道，胡錦濤在特區政府為他而設的晚宴上明言要「進行國民教育」，教協會長張文光「率先響應胡主席的倡議」，「即使沒有胡錦濤主席昨日的呼籲，教協也將找政府談談此事」。在2008年10月16日的行政長官立法會答問大會上，公民黨議員陳淑莊發言說：「我都認為國民身份、權利和義務是支撐國民素質的三角架，缺一不可。我亦同意香港的年輕人是需要更加好的了解內地的實際情況、國情及發展的，應該接受全面的國民教育。」
但如今，教協、民主黨、公民黨出爾反爾，誣稱國民教育是「洗腦」。教協、民主黨、公民黨這種180度的轉，難道不是對香港核心價值之一—誠信的徹底背叛嗎？背叛的動機難道不是為了立法會選舉中多撈幾個議席嗎？ 看完你環相信他們真心支持反國民教育嗎???]
殘雞婆，我鍾意你這個回應，有道理。
絕食 這麼多天，仍有這麼樣精神講野，肯定是半夜在帳蓬裡 偷食
indy
你的思路很清晰。
我完全認同。
立冬：
將來，這些小朋友出社會工作，一唔滿意就攪對抗，老細就多得佢唔少了。無得傾，一定要人聽晒佢話。是否港童的特點呢？
另外，那些家長的行為，其實是身教，他日，孩子覺得父母的思想唔同自己諗的一樣，就會不顧一切，抗爭，無得傾。簷前滴水不分差。
事件已唔係講道理唔講道理，班人擺明係扭計，要政府輸光，要自己贏，道理係唔會講嫁啦，是一種集體精神病，觸發點是恐共情緒。
中國內地過去幾十年不穩定對一批人造成的精神打擊，一次過借此機會發作。
現在睇沉默市民的質素，如果陸續有人加入，這個火頭怕真的會燒死人。
indy
林鄭月娥今晚講得好好，但一班小朋友根本聽唔入耳。
擔心被政府洗腦，但其實這些人已被人洗腦啦；一哭二餓三上吊如果得逞，以後無論甚麼議題都有樣學樣就沒完沒了！
Indy的回應很好！
我覺得好多人都唔理解個課程，淨係以為呢個係洗腦課程，無認真了解政府的課程指引，所以佢地講來講去都係得一個洗腦 point。
政府無做好宣傳，無解釋清楚，都係有問題。但反對國民教育的人根本無俾機會政府。大家要有商有量，咁先至可以有共識的。
小朋友日後踏足社會，都要懂得與同事，老闆，客戶好好溝通，慢慢磨合才會有好結果的。
其實香港父母大部份唔係話反對國民教育而係政府完全没有好好制定内容再好好咨詢，政府做事總是給人鬼鬼竄竄，趁人唔為意就想推行一些政策。 這種手法很討厭。
立冬晚安
No comment
梁指不硬推，教材由學校決定，又給足機會反對者發聲，指出課程有何問題，反對代表沈偉男推說民意已指出問題。
其實沈極可能是自己無法指出問題所在。
據我觀察，反對者多半靠他人文章論點支持自己立場，但自己永不能把親自把論點說出來，其實是人家文章講甚麼，自己不明白，只是人家的結論合自己心水，就胡亂引用而已。
如果是心領神會又讀得通，把反對論點扼要而正式地在傳媒和梁振英面前重申一次有何難？
關於國教之評論坊間非常多，哪一篇評論代表大聯盟立場，大聯盟有責任正式申述一次，同時應有能力逐點在課程指引中指出問題。
如果只是針對中國模式那本書仔，就可慳返，因為政府早已表態指該書仔偏頗，調整上也容許學校不使用該書。絕食根本多餘！
indy
如果係真心，應該可以耐Ｄ。
餓下都好既，餓左先可能知自己傻。
送上明智的星星！
我一定不會加入！
絕食等於自己殘害自己，而且吃是很重要的！
大家都係做下樣，不用太認真。＋１
呢場戲，一定會繼續做落去，唔會停。一於不看不理，自己保持頭腦清醒就是。+*
昔日的V煞，即是今日的學民思潮，本來就是某政黨的手下。
他們，是有組織，有策略的。
不過，我反而贊成他們放棄暴力，改用溫和的手法抗爭。
當有人，唔理佢是媒也好，真的也好，去接力，他們就可以展開長期的抗爭。在社會做成壓力。
哈哈！好橋！這班小朋友分明被政黨宣傳洗了腦！號召了四萬人同佢地一齊癲！ 政黨電視辯論紛紛以去唔去探去挑戰對手！ 可惜話口未完！ 三隻弱雞，居然捱唔倒三日！ 吹漲班抽水政棍！ 班友最想，三人成烈士！咁就可大搞悲情控訴矣！ 跟住有十人接力絕食！ 絕食也可接力！天下奇聞！ 此事一定沒完沒了！ 因接力，死不了也！咁都得！