享受_1

科技日新月異, 追不勝追! 若果單從視聽享受來黎追捧新出相關產品時, 簡直係無底深潭! 好似iphone 4G準備係香港推出, 聽聞外國經已醞釀推出5G! 先唔好理呢D傳聞係真係假, 淨係4G都令到各大電訊公司頭痛, 為左鋪線或加強發射接收, 未必間間能夠完善. 羊毛出自羊身上, 營運費增加, 散戶月費自然增加許多.

古人造字饒有深意! 睇下[享受]呢兩個字! 分明話比我地知享完就受, 只不過我地明知都詐唔知, 因為我地習慣左自己呃自己. 想要享有通順網絡, 自然要接受月費隨時超支! 想要享人有我人唔輸得面子既心態, 自然要接受死慳難慳食唔捨得食用唔捨得用既儲錢法則, 或者做多份兼職, 黎滿足自己向來重視既虛榮心!