《一路向西》玩3D食胡 蕭定一：講性先爆笑！
2012/09/10 08:41:51 網誌分類: 娛樂
| 人人為港產片有救暗喜，去年一部《3D肉蒲團》創下4,000萬票房佳績，今年再來部《一路向西》爆笑性喜劇，蕭定一確有本事，純100%香港製造，全新人班底，「我們要想好包裝才去做，這將是港版《American Pie》！」靠玩3D情色食胡，未上映已成熱話，本周末的3D優先場更一早爆滿，內地觀眾亦計劃組團來港觀賞，誰敢再說香港電影唔得？ 主持：黃柏高 統籌：林永匡 協力：彭燕燕、彭東亮 場地提供：雲來軒（電話：27220156） 投資要有眼光，蕭定一今回又睇準出擊，買下網絡爆紅小說《東莞的森林》版權，注入3D元素開拍成《一路向西》。 選角路崎嶇 蕭定一：「其實一直想拍部華人版《AmericanPie》玩情色性喜劇，笑是性喜劇最重要元素，可惜一路諗唔到個包裝，直至有次聽到人網介紹《一路向西》呢本書，我花了一個下午來閱讀，覺得有得做，起碼時裝片唔使好似《肉蒲團》咁貴又容易處理，改編一部暢銷小說很着數，因早有受眾群，唔需要花太多宣傳，同導演都覺得博得過，就主動聯絡作者傾合作買版權。」 創作，要把一部小說活現銀幕並不容易，編劇出身的胡耀輝熟悉電影每個細節位，首次擔大旗執導演筒，從編寫劇本、選角至拍攝，包辦！ 胡耀輝：「最難是向西的小說裏，只有兩段較長的故事，沒可能寫成劇本，又唔夠膽亂改向西的作品，好在有好多散文啱用，你會feel到有啲片段和gag位熟口熟面，向西都有睇劇本和畀意見，有些對白嫌Out咗會重新度過，電影版九成忠於原著。選角方面真的很難，香港、台灣、中國都搵唔到人，大部份都扭扭擰擰，話你係李安咪拍囉，對手係梁朝偉就最好，吳彥祖更佳，我直頭呆咗，後來第一個被選中的是Celia（郭穎兒），那時候連男主角是誰也不知道，她便一口答應，真的很爽！」 港女典範 選角，拍情色片最難莫過於選角，既要有睇頭又要有膽識，胡耀輝坦言最欣賞Celia這位港女。 胡耀輝：「Celia的角色一直未定實，見了幾次後，我覺得佢好直接又幾爽朗，講嘢好快無尾音，又會整到自己好亮麗，具備港女條件，放在向西身邊做女友最適合不過，這個角色很重要，用來對比內地女仔的，阿一都話佢講嘢倔，無尾音，成日都好似好晦氣咁。開工前，我安排所有演員排戲，跟住個Storyboard做，目的當然想佢哋投入拍攝，但Celia話唔排戲，我心諗，你唔係想跣我呀？記招宣傳都做了，沒可能易角，就算啦，照拍啦，點知佢又真係好Pro，埋位好Hyper，牀戲都係兩三個Take已得。」 郭穎兒：「當初收到Order話係同導演做的，話會自導自演嘛，我自己本身好喜歡向西呢本書，得知有份演已好興奮，我份人好直接，唔鍾意拖拖拉拉。」 激戰60小時 情色喜劇，最終找來中港台日美眉，個個國色天香，重頭戲是男主角張建聲大戰23歲醫科學生王李丹妮。 胡耀輝：「王李丹妮真係好勁，我先講講，小魚這個角色直至開拍前一星期仍懸空，直至有晚半夜收到張無頭得個胸的裸照，我第一時間要求搵人影輯全裸照睇下，第二朝王李丹妮單人匹馬上酒店房影相，真係好有膽識，我亦馬上搵人同佢傾。王李丹妮好有天份，頭十分鐘的水牀大戰真係好精采，好多女性觀眾未必知道，水牀上浮下浮下咁，仲要整泡泡，真係一下唔覺意都會飛出牀，拍攝時，王李丹妮和張建聲都病了，一Cut機，兩個人便爬埋一邊攬住瞓，仲要閂閉門連續拍60小時，真是大挑戰。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
影評全文, 請看 Lam Movie Blog!
一路向西
http://blog.yahoo.com/_SAPPYPHN7QZNTX34DDGQIDH6RE/articles/661356/index
很好多謝你的訊息 !