自己講就得?

人可以係朋友面前話自己唔夠靚仔靚女, 卻唔可以比朋友話自己唔靚! 人可以直接承認自己臭脾氣大男人, 卻唔可以比朋友咁樣話自己! 人可以揭發身外人事物既私隱, 卻唔接受比人玩踢爆! 凡此種種, 唔一定係重視面子咁簡單, 而係面對唔到自己心底深層既罪惡! 人有時會精神崩潰, 就係黑暗點比人無情咁攻破.

[係邊度跌倒, 就係邊度起番身], 其實講係好易, 做起上黎真係好難! 我地面對唔到自己最真實既醜惡一面時, 又後怕比人用有色眼鏡黎睇自己之外, 仲怕比人指指點點秋後算賬. 所以, 要企番起身, 必定要面皮尺幾厚; 要識得自嘲; 要識得忍氣吞聲; 要識得裝聾扮啞! 最重要既係識得扮失憶, 人虧待自己要盡忘記!