服務態度(三)

2007/07/10 22:30:59 網誌分類: 文化
10 Jul

寫了兩篇關於銀行服務,引發了一個問題,正於 Candy話,在匯豐排隊冇人敢嗌,在中銀排隊就鬼殺咁嘈,點解呢?

我和一間中銀的附屬行(集X)以及附近的一間HSBC較熟,故就所見所知發表一下,先說明一點,我只從這兩間行去探討,並非一竹篙打一船人。

論形象

匯豐,在眾人的心中是高一點,5號仔喎,加上洋人心態,感覺上係唔同。一向以來,HSBC自少給人獅子咁大個鼻的形象,慣了。

中銀,是由十一間甚麼金城、寶生、國華、鹽業等等和二間附屬行集友和南商組成。以前這些不見經存的小行,進入去時小貓都冇一隻;如今要死排爛排,唔慣。

論效率

HSBC係高D,龍雖長,但援進。在中銀,有時半小時條龍都未郁過,後面那些稽核又闊佬懶理,容易引起排隊的人苦燥。

論程序

HSBC較為流暢簡單,中銀就頗為複雜守舊。我見過一個開新戶的人填好文件後要等一小時四十五分還未完成。我和個仔去匯豐開支票戶口,半小時辦妥。

論心態(這一點我認為最重要,也確確實實由行內人員得知)

中行、南商和集友間如內戰般,彼此排斥,又彼此不忿處理對方的客戶。由於兩間附屬行較細,客路較小,一般中行的客戶到跑進去處理銀行事務,故此有些人的心態是做得快做得好也不過是別人的客,嚇怕了你,死排爛排,下次唔敢來。

而匯豐,始終是自已的客,比較上投入小小。

不過,無論誰好誰不好,都是五十步笑百步而已。

 

回應 (5)
我要發表
則卷小雲
則卷小雲 2007/07/11 23:35:15 回覆

其實中銀是在合併後才會這麼差的啊! 以前我做teller, 從來都唔會讓我d客人係counter前排隊的! 所以每到月尾那天, 我定必沒有得食lunch! 因為太忙了, 忙得連午飯都冇得食, d客硬係要我跟她們的單!都唔知係好定唔好囉!

現在, 我又真係唔撐中銀啦! 不過, 其實間間銀行都唔想做櫃面的服務, 他們想所有客戶都使用網上理財, 但網上理財又真的不是太安全囉!求其搵一個黑客就可以盜用哂所有客戶的資料啦!

counter的服務,可能中銀排隊耐過大笨象, 但櫃員機的服務, 大笨象又差過中銀囉! 每每見到大笨象的客戶排到連條行人路都霸埋添! 

不過, 若要加埋揸兜bank, 我就覺得揸兜bank d 服務仲差啦!

2007/07/11 10:40:52 回覆

我家附近的交通銀行得一個teller咋!但後面有好多經理,行來行去祇做override囉!成間銀行主力賣股票,我只入一張票等足半個鐘!

2007/07/11 02:33:27 回覆
講得好岩呀!
我成日都想有一「手」五號就好喇!
2007/07/10 22:58:11 回覆

Penny,

今天個市係銀行股嘅世界.

 

 

2007/07/10 22:49:48 回覆

我有同感, 覺得匯豐銀行是好的, 中銀是次一級, 股票都有分別啦..

大笨象 5 號仔喎, 中銀? 現在股價幾多呀?

user