佢反叛期呀!
2012/09/16 17:20:48 網誌分類: 姪女是個2010年bb
網上面話2歲係會有反叛期架~
剷地, 嚮屋企同街上都剷地~~
近來成日哭鬧, 仲掟野落街!
早知唔買套靚衫衫俾佢面試la~ (幼稚園面試)
希望佢唔好掟套衫落街~
好在個窗只掟到袜仔落街...
但係我d袜仔都冇咁貴啦, 自己唔捨得買都買左俾佢,
呀哥今次一定要幫我去淘寶買galaxy tab機套。
聽講bb姪女好鐘意套裙仔,
佢頭先仲好開心添。
唔通佢同我一樣係郁躁症既??!!
相片中既夾仔係送既,
但係落到佢手上會兇多吉少, 因為佢今日就係掟夾仔, 掟左我呀媽買既夾仔落街。
唔好掟其他野呀, 會禍及他人生命架~
話時話,
我買左呢個價錢既野, 爭少少就夠食一打波仔飯~
上年人工勁少, 我仲整到自己食福noodle就算...
今年,
加左人工係咪開始洗腳冇抹腳呢?
但人生得意需盡歡~
又可能d錢用黎請呀媽同二哥食pizza仲有建設性,
搵日先...
早晨
謝謝
今個星期開始同姪女講道理
佢可能知點先可以令大人鐘意
所以冇咁發脾氣
合作好多啦
由細到大,窗口定為孩子的禁區,所以一定不能爬窗台,也不許攀窗花,因為他們年紀小,不分好壞,真的好擔心他們一不小心拋東西出外,出了意外,遺憾是終生.
反叛同時是學習獨立期,須更多愛心培育他們正確價值觀,後來可一勞永逸.
今日返到去, 姪女又哭~
近來佢成日發脾氣, 於是我搵到個機會:
「圈圈件衫藍色, 姑姐件衫又係藍色」,
又指黎指去問邊個係圈圈、邊個係姑姐、邊個係麻麻咁...
佢笑返。
之後佢扭眼睏,
我呀媽開左d奶粉俾佢, 佢嚮牀上拎住飲,
好快睡左。
小朋友真係唔易照顧。