高沽(1)
早前講的２３０００點目標，話咁快就差不多到，好多網友手持的股票天天在創新高，個個都問好唔好沽貨，或者什麼位沽貨，看來人人都想「高沽」。
在經濟急促發展的初階段，買入股票死揸，經常有大收穫，但香港已是成熟股市，股票唔應該一枝箭咁升個不停。愈來愈多有幾十年投資經驗的老雀講，香港的股票上到高位要沽吓，以匯豐（０００５）為例，老雀話佢一年升一轉，如果到高位唔沽吓，低啲買番，賺番１０元、８元差價，一年死坐到尾，可能都只係升得雞碎咁多。
人人都想在股市最高位沽，陸羽仁就無咁叻而家話到俾你聽股市最高位在那一個點數，或者一隻股最高位在那一個價位，所以即使對大市有一些估計，但不能純靠估計，也要運用一下策略。
沽貨首先要明白沽貨的風險，第一，沽完貨之後隻股繼續大升，個心好痛，如果再升得幾個月，到時忍唔住去追番，更有摸頂之險。第二，沽完貨即使過一排大市跌了，但你在跌市又無膽揸番，錯過了好股，長線更揼心。
投資／投機市場永遠充滿風險，網友要在股海生存，就要識得控制風險。相信大家都記得我過去講過，網友問股，我不應盲目去答，應該如睇中醫那樣，多多少少要先看你的情況，才好建議投資決定，或者我可以把網友的投資分幾個類型（主要從入股價及投資性格區分）。
第一是保守型，例如你低價買入好股，問我沽唔沽，比方說２元買了中石油（０８５７），問我好唔好沽，我反問你是否進取，你答話你都算穩陣保守，我就建議你不一定要沽。中石油呢個浪或者可以升上１４元高位，又或者遇到大調整可以跌落８元、９元，遇上股災話唔定會見番４、５元。但你入貨價夠平，大風浪都唔怕，這種股份可以長揸。你可能會問，乜唔係在高位沽貨，等佢跌到８、９元揸番？我話唔係唔得，但跌到咁時你又未必敢買啫，高沽要防錯過好股。
第二是中等型，入股價唔高唔低，性格又想炒又怕輸，例如９元、１０元入了中石油，而家１２．４元，有一定水位，想沽，又怕沽完即升。現價已有三成利潤，以中石油這種巨企，已算相當不錯，這種人／這種入貨價我會建議定止賺位，例如以現價低５％止賺，即在１１．８元止賺，或止賺一半貨。
為什麼定止賺位，並把止賺位不斷推高？背後的理念是隻股或大市已經到價，但股價或大市到價後多數不會停在那裏，一係唔到，一係過籠，用推高止賺位的方式，係讓你不要錯過「超常的升幅」。以一般大股的升幅為例，會波浪向上，你定現價低５％、甚至１０％為止賺位，佢回一回，震一震，好易就觸及你的止賺位，你就要止賺離場，但試想它出現一個超常的急升，在圖表上幾枝大陽燭一枝箭咁向上，你遇上咁o既大時代，買中咁好的股份，如果只是定出目標價，一到價就沽清，沽清完佢三幾日再大升兩三成，你會超級揼心。例如你認為中石油１２元到價，到位沽清，點知佢過三日就炒上１４元（只是舉例），你會非常非常唔開心。所以定止賺位，不斷推高，可以令你在急升市中賺得較盡。但若果隻股不是升得好急，你被佢震走都無話可說。
第三是進取型，若你是在這兩、三個星期高位追了貨，例如中石油，你在大半個月前在１１元追了貨，如今有１３％利潤在手，話多唔多，話少唔少，問我點辦？我反而會建議你見股價再搶高時先沽一部份貨獲吓利先，再留一部份睇睇。原因是你入貨價高，防守力較弱，只宜高買高賣地短炒，有糊唔食少少，罪大惡極。這一陣子追買窩輪當然亦屬此類，買得高唔緊要，識得沽就得啦，我唔反對人入賭場，但要識得睇時候行番出來，記住自己只是灰姑娘，不是真公主，到時到候唔行番出來，打回原型兼輸突就無癮頭。
大市近２３０００點，風險日增，無限風光在險峰，股價天天創新高，最開心亦是這種時候。好多人會先沽賺錢貨，留番啲藥水股，又或者沽走平價買入的好股，留番啲貴買的雞股，我建議的手法剛好相反，超平價入的好股，揸吓唔妨，高價追入的貴貨，反而要識走位，好多時係遲入o既貨先走也說不定。
講咗咁耐高沽，唔想誤導你而家一定要沽，個個人的風險胃納不同，接受到風險，就可以博更高價。
陸羽仁
各位早晨：
今朝都幾心傷，手頭中的股票淨係得紫金有啲獲利，其他都要損手。
想問各位師兄師姐意見，大家覺得753中國國航前景如何？
謝謝！
ｊｏｈｎ：作為股場新丁的我、好認同有時買股真係要認命、買乜跌乜，沽乜升乜、唔擔心就呃你、外表風光內裡坎坷，見其他人買股節節上．．．倒霉攪到成晚心情非常鬱悶。
各位早晨,
請問邊度可以睇到內地股市指數的即時報價? 多謝!
名也成時利也成
原來教子在窮經
若然不積修行路
縱有名利亦恐傾
亞K，
見你回覆newsgirl，有關基金中的ETF，我不明白是指什麼？
小妹愚昧，可否解釋一下？
謝謝指點﹗
有d野唔明,想請敎各位高手.
係大利市機度睇到#363買入果邊9064排咗14個位,但係賣果邊又排咗2個.都係排$31.6喎,到底點解呢?
newsgirl, 水滴石穿:
見newsgirl將H150同A50作比較,我順便提一提newsgirl, A50我在年頭都開始了月供
2000, 回報都有30%啦. 我亦月供了HSBC, 3隻月供都是打算超長線,用來20年後退休,所以,不會賣. 只會keep住買, 聽到水滴石穿話長線OK, 我開心. 雖然方法蠢蠢地, 但持之以恆,一定掂. 長線月供這決定,可能是我今年投資的最精明選擇. 亞K
段古：1833銀泰百貨(集團)有限公司，點睇呢？
ki
you dont have any share to buy??????? why u buy those 488 ??
pault
luk sir
in fact, hsi now ay 23000 level, no matter which stock which share can be sold out. even '5' doesnt bring us hugh fortune, still have to get rid. i strongly believer there will be a big retreat sometime in JULY .
hsi 22000 will be the 1st support, then market will go south to 21200
we better keep our money to watch
paul t
猫猫兄
早晨！多謝提点。而家放的話蝕成5千幾, 所以我都不会放住, 会再等等先。謝謝！
金大哥,
"睇招股書財務資料p136。3331舊年賺一億純利，但原本股數會由四千萬增到6億3千萬，即每股由賺$2.5變成賺$0.16，「市盈率」係股價除以每股純利，即由5.4/2.5=約2.2倍，變成5.4/0.16=約33倍。"
多謝資料, 你真是股字典. 咁咪話大利是和一眾報價網都錯了, 其他新股有冇同樣問題 ? 咁我中招了, 3331 都入左貨, 33 PE 就冇 so.
有印象之前有人講過晶門科技 (2878)
岩岩 tvb 話摩記又發盈警 (唔係盈喜)
之前我有買過 2878 (後尾 cut loss 走人)，當時摩記係佢既其中一個最大客戶
所以年初摩記發過盈警時，對 2878 有影響
如果情況未變 (即摩記仍為佢既其中一個最大客戶)，咁 2878 今次又可能受到影響了
少帥
陸sir:我在8.85高追買了2883, 請問現在可以怎麼辦?
心急人
steven
let's share!
財華社香港新聞中心/記者張國棟報道。
從近期港股走勢看，大市升勢主要由中資股帶動炒上，不少外資大行更紛紛發表報告，繼續看好下半年中資股表現，而且所推介的中資股，股價大都可以再上一層樓，預料短期中資股升勢在大行看好及其他利好因素下，股價將進一步上升。
大 行普遍認為，北水南調、H股紅籌回歸A股、油價上升等利好因素，支持下半年中資股表現；其中大摩最新發表的報告指出，國內內放寬基金公司及證券公司投資 QDII範圍，對H股有好處，由於H股估值較A股有折讓，而QDII額度有機會增加下，相信H股短線可跑贏A股；另外，摩根大通亦預計未來數年QDII流 出資金達到3.9萬億元，將部分吸納紅籌、國企股，同時將會使到A、H股的差價收窄，因此給予中資股「優於大市」的投資評級。
此外，高盛 證券亦指出，雖然有投資者認為H估值不吸引，但在企業盈利支持下，投資者近日已對H股重拾興趣，預期未來股價仍有進一步上升的空間，同時北京奧運即將舉 行，故看好具奧運概念的上市公司；還有，瑞信認為，最近大市持續上升，部分為反映國企股即將公布的業績理想，預計國企股短期內會維持強勢，目前港股估值不 算高，預期未來3至6個月的港股表現持續強勁。
目前，除了多間外資大行發表對中資股後市看法外，亦對部分中資股發表研究報告，其中摩通報 告指出，該行今年看好原料股、石化股、能源股、保險股、銀行及地產類股，今年下半年首選股份包括中國神華(1088-HK)、平安保險(2318- HK)、中國鋁業(2600-HK)、敏實集團(0425-HK)及上海置業(1207-HK)等。
同時，摩通和瑞信均認為國內內需股百 盛(3368-HK)業績理想，瑞信維持百盛優於大市評級，不計算併購帶來的盈利增長，預計百盛今明兩年純利約增長30%；瑞信早前亦發表的中海油 (0883-HK)研究報告，估計中海油現有儲量及項目，將支持至2010年離岸產量複合年增長達11%，並調高其2009/2010年產量增長分別8% 及18%，預測每股盈利分別調升9.9%及46%，加上回歸概念，目標價調升至11元。
高盛最新一份報告，指出上海實業(0363- HK)入股上海城開40%的作價合理，故調高盈其盈利預測，將目標價由23.8元，調高至27.5元，對於老牌紅籌股中信泰富(0267-HK)，報告則 維持其「中性」評級，並將07年度每股盈利調升5 %，目標價仍由39元調高至41元；此外，高盛與瑞銀亦同時調高目煤炭股目標價，包括中煤能源(1898-HK)的18元及神華的35 .15元。
摩 根士丹利亦對內需股銀泰百貨(1833-HK)發表研究報告，指該公司在浙江省處領導地位，受惠於內地經濟增長，消費力急速上升，故首予其「增持」評級， 目標價7.85元；大摩亦認為，亞歐航運費加價令航運股受惠，又預期中海集運(2866-HK)將會發行A股，故把中海集運目標價，由原來的5.36元調 高至6.65元。
里昂證券日前亦發表下半年油股投資策略，目前市場注視國際油價有可能升至每桶80美元；在油價趨升的情況下，內地成品油 有機會加價，令油股盈利上升，最能受惠的是中石油(0856-HK)及中海油，而中海油田服務(2883-HK)有回歸A股概念，可吸納這3隻股份；同 時，BNP亦調升中石油與中海油目標價，分別達到13元及10.35元。
好想同大家你一句我一句...但日頭返工好鬼忙, 只可以夜晚睇....
羊咩
john:
不用太沒心機,190我買得貴過你,($2.9)
但未止蝕,升升跌跌,常高追低估,看錯位入貨,一買坐艇也是平常事,
如次次看得準便沒窮人了,190始中是一年賺到幾億的公司,
已比好多公司好好多,炒味是濃了一點 ,定好止賺位和止蝕位,
和這類股不而太大注啊!
金曹大哥
我copy左你個ｅｄｉｔgrid 出黎用, 想問點樣做先可以改到 自動ｕｐ ｄａｔｅ 既ｆｕｎｃｔｉｏｎ． 我玩左好耐都未搵到方法 ＞．＜ 請教教我 謝謝．
陸sir及各位,
I have bought some #123 at about $2.15. It once jumped to $2.4 & it closed at $2.3 today. It seems that it started to ｄ ｒｏｐ.
However, it also seems like a beginning of a big wave as reference to the pattern the past 3 years. If so, the target price should be $2.6 ~ $2.8.
The money is not urgent to me. Please advise if I should wait for 1 ~ 2 weeks to verify the big wave. Thank you.
++++++++
1 year graph
3 year graph:
陸sir
謝謝你的寶貴意見！
Christine
John - - 呢種‘出事唔想出聲’既觀念﹐就係自我在作祟。換句話說﹐就係唔認錯兼呃人呃埋自己。呢種壞集慣一定要克服(尤其是投資者)﹐否則後果可以傾家蕩產。一o的都無跨張。
陸sir - 你好有心﹐o甘多提問都一一回答。再次多謝分享經驗。
金曹兄 - 呢排多野做只能晚上追blog﹐順便say 聲 hi。
Hello大家....
見cc提起創興銀行,自己又係創興做,可以同大家分享一下,
1)今年自己人工加得唔錯
2)創行三十多年來第一次有花紅
3)由廖創興改名做創興,06年至現在新分行增加10間左右,加強銀行宣傳及暴光,減按揭息至具市場競爭水平,都可以睇到廖家好想搞好創興,並唔係想賣盤.
當然創興本身仲係好受家族影響,上面提到既好多本地銀行一早就行緊,唔好既你可以話佢落後,好的你可以話仲有好大改善空間.
吹水馬龍
牆頭草大哥大，睇招股書財務資料p136。3331舊年賺一億純利，但原本股數會由四千萬增到6億3千萬，即每股由賺$2.5變成賺$0.16，「市盈率」係股價除以每股純利，即由5.4/2.5=約2.2倍，變成5.4/0.16=約33倍。
http://main.ednews.hk/listedco/listconews/sehk/20070626/03331_173295/CWP120_c.pdf
陸sir及各位師兄師姐你們好，本人是第一次回應，多謝你們無私的教導。
以下有難題二：
1. 1398工行以4.67入，雖以返家鄉，是否仍可繼續持有？
2. 669創科以12.07入，是否應該止蝕呢？
本人其實持有此兩股已一段時間
ro
newbie:定好止蝕位,按止蝕位行事啦。
陸
Luk sir 及各師兄姐：
我在$10.7買了創科(669)，大市升佢唔升，大市跌跟住跌，十分無癮！是否要止蝕或再坐一會？
Thx
mooneye
Luk sir,
So i will still hold my 1800 la... thanks.
陸羽仁覆網友
投資者、newbie：大市先回後挾高，又借日圓抽升回落，好多好友中伏，跟手或再插低挾一挾淡倉。不過未見大戶有大手轉淡倉跡象，下月期指無見大幅低水，不過他們可能已經平了一部份這個月的好倉，除非外圍環境急促轉壞，如日圓抽上１１８水平，否則大跌市未必咁快開始啩。
Ray:今轉炒上，匯豐有機會跟一跟，有兩個位，一個係月尾匯豐公布業績，如果好就會先上試１５０元，如果業績一般，就要睇遲下大戶頂高大市，最後會否借匯豐和中移動挾高派貨，上１５０元機會有七、八成。
至於匯豐升２３８８升唔升，本來要睇匯豐香港業務如何，不過炒匯豐時香港銀行股跟風炒一炒都不奇，但不要有太高期望，２３８８每年都炒一炒自己的業績公布期。
安東：我估大戶大約在１９０００點建好倉，升上２３０００點有４０００點水位，２４０００點有５０００點水位，都有的肉啦。一般大戶倉位由好轉淡都要有少少時間，點都玩三兩個月，當中會有少少上落。
米薩其：平價買入港交所，又諗唔定，可以考慮長揸，或者長揸之餘，定一個低一點的止賺位，唔到位就揸落去。
Herny:神我就絕對講唔上，只係大家切磋吓。你計中石油每股資產淨值唔啱，多數係股數出問題，香港財經網站無計大陸的法人股。要找年報的股數為準，找佢帳目附註講每股盈利一項，就有講總股數。
Mooneye:陸羽仁回覆放一旁的意見，可以反映，但我通常一日只在早上覆一次，但近期公幹外出，所以才神經性地回覆。
Altai:買了中石油輪，記著嚴守止賺止蝕，唔好輸俾輪商。
小強：若大市回落只是一個大型上落市中的大調整，如今年三月的跌市，之前可能會以一個雙頂，甚至三頂不破的形式出現，大戶就在那些水位慢慢派發。但如果是大跌市，尾段會急升，大陽燭向上，然後急跌。
Jbc:大戶出動時，通常和散戶的行為感覺相反，大市感覺差，但應跌不跌，誰人在買，可能是大戶。大市感覺好，但高位不破，牛皮上落，有好消息又應升不升，誰在沽貨？亦好可能是大戶。科斯托蘭尼之蛋，就係講這種感覺。
Christine:人民財險是「三保」中最細隻，所以炒味最濃，升又升得多，回又回得快，買入要小心。
少帥：６０６似乎未改弱勢，股價亦未算便宜，長揸最好等大市又跌佢又跌跌到殘時，短炒等佢破位才追入都未遲。
米米：高速傳動有貨在手和無貨不同，新股當炒，如果抽中新股有貨，不妨坐吓，升得多，波動大，所以建議一個１５％深啲的止賺位，但你如果無貨，咁o既位追新股，唔係唔可能升，但風險都好高。
John:我唔知你乜價買１９０，但你的確係新仔，咁o既細上落都咁難頂，大上落恐怕會嚇死你。
１９０雖然都係炒味好濃，但點都叫做有啲生意，有啲質素，買創業板８字頭的股票，好多更係乜都無，只係乾炒，所以唔好同朋友比，人比人，比死人，炒股要睇幾年o既,你炒啲穩陣少少啲股份,三幾年後經過一個大浪,先至講邊個投資得好啦。
買股唔好太高追,定好止蝕位,瞓得著覺,唔影響工作,先至好買,做人唔好本末倒置。
陸sir & 各位,
請問之前以$3.9買了135，市就跌下，依家終於升回，請問我應沽，還是持有？其實可否給些這隻股是純粹抄消息，還是本身不差，可考慮以此入價繼續持有？請賜教！
水滴石穿,
sorry, 打倒吞 = going backward, 唔識寫尾字.
一仔 = 本港最多人買果本八卦周刊.
金兄,
"維達發新股後市盈率超過30倍", 邊度搵到或點計? 睇大利是机還是 2.x PE ??
墻頭草大哥
多謝釋疑，東尼叔叔讓大家買HSBC賣紅股，和林老師完全相反，有意思......
newsgirl
A50跟緊A-share，只有兩年數據，而且是A-share一飛衝天的兩年，所以比較“長綫”表現不fair。H150通過杠杆放大H-share波動幅度，升市自然擴大回報，跌市也會快過指數。這兩個都是被動管理的ETF，長期AH趨於一致，填補Gap過程中H股跑贏A股少少。如果看好中國經濟10-20年前景，兩者都可以買。進取一點的買H150，等於借了不用利息的孖展；保守一點的可以買A50，或者未來出現的其他ETF。因爲是被動基金，所以無所謂管理，不管成立3年還是20年，對以後沒有影響。
主動管理的股票基金不作評價，morningstar上面有足夠的數據供大家參考。
作為股場新丁，經歷過190此役，深明炒股而言手法固然重要，但心理質素卻是關鍵
由起頭見佢節節上升，去到此刻竟然要話去到止蝕既危急關頭，我由四點怨自己點解唔老早趁2:30打後2.92度放左佢，之後一直down到番屋企，愈想愈覺得自己戇居，攪到成晚心情非常鬱悶
佢急升時，我忍唔住手無時無刻睇佢係唔係仲升緊
佢現跌勢時，又無時無刻check住睇下佢會唔會轉勢
中間又無時無刻上黎呢度，期望會聽到一d利好消息等自己淡定d
過程簡直係壓到我透不過氣來
當然，成年人，願賭服輸，技不如人無野講
但係當自己硬係覺得呢個時世會有人輸錢架咩，再加上同親朋戚友既成績比較，就會有說不出既無奈
萬望大家唔好介意，外表風光內裡坎坷，倒霉事對至CLOSE既人都會"講不出聲"
Brother Kam Cho:
Thanks for your reply.
Thanks.
Phil/netnet/baclofen: 茫茫股海,總想找人並肩作戰, 1133 比較波動.小心.
Netnet: 190 應未炒完,調整完再炒過.
小雨: 多謝关心. Today, 1800試穿$17,再者上升乏力, 就不好,好明顯$18已到頂.
金曹兄, 謝謝. Michelle
亞K 水滴石穿
我也是準備做長線月供D，從表現來看，恒生H股150確實比霸菱要好D，我也好同意水滴石穿的意見，基金經理不一定會跑贏大市的。只是恒生H股150是近3年剛剛成立，霸菱則有20多年的歷史，anyway，
從回報來看: 恒生H股150 > 霸菱
從風險來看：霸菱>恒生H股150
似乎恒生更吸引D ？
覺得好奇又拿A50來比較，似乎長線要比恒生H股150要好，各位點睇?
收益率
收益率
收益率
收益率
(年度化)
(年度化)
(年度化)
水滴石穿
TO: 牆頭草
有時買股真係要認命，買乜跌乜，沽乜升乜。hsbc今日咁跌，雖然話長線，但唔擔心就呃你。不過，見而家呢一刻美國既市, hsbc 反彈升1.3元，心都定d。畢竟，美國又話次按有問題wor，仲話惡化左。
而家新買入既hsbc 同 66仍然未脫危險期，所以我唔係好放心。
小潘
墻頭草兄,
Thank you comments on EURO
多謝...金曹兄
ahken
stephen，維達發新股後市盈率超過30倍。美林做保薦人，擁有自己品牌和市場份額，應該會有高增長但係30幾倍市盈率的消費股好多選擇，未必一定要揀呢隻高負債公司。
陸Sir,
之前請教過你有一手658(高速傳動)@ipo應否沽出, 你答應定止賺位, 由現價(當時既現價14.88)低10%-15%止賺; 巳往你多數叫人定10%止賺, 但呢隻你建議10%-15%, 係唔係因為佢上市時大升, 應該該會有一定深度調整, 所以建議定低小小止賺位摶佢可以再上高位? 佢算唔算係一隻現時當炒既好股呢? 如果"投機的我"現價13.xx想再入, 值摶率可以嗎?
先謝謝指教!
Luk Sir,
Is today just minor adjustment, not the beginning of major correction? I hope it is not the end of Bull market ar!