在診室遇見的五個人(三)

中醫在近幾個年頭才設立註冊制度，或許江湖朗中的形象已深入民心，又或許「涼茶」、「中藥」材料相似，容易被人混為一談，致使不少人以為中醫藥的學問只是「對症下藥」那麼簡單而淺白。

一個在藥材舖工作的病人丙上來看婦科問題，基於職業關係，她喜歡「協助」醫師修改處方。前幾天，她甫坐下，煞有介事的跟醫師「討論」起自己的病情。

病人丙：「我上次食完藥之後覺得個人仲攰左，點解會咁既？」(病人丙露出疑惑的表情)

醫師：「你今次有無幫我加減藥量？」(知道病人丙喜歡自行修改處方，醫師表現平靜，笑着問。)

病人丙心虛地笑着答：「你又知既……我只係加大咗啲大黃份量，我見藥量開得咁少，我食左都去唔到廁所，所以煲第二劑個時加咗兩錢囉……。」(聲量越來越細……)

醫師：「其實呢，大黃的作用唔只通便，配合其他藥物，亦有袪瘀的作用。今次加落去係幫助袪除婦科方面的瘀血問題。」

病人丙：「所以，大黃加咗藥量之後，就傷咗氣，所以個人會攰咗？」(病人丙還是喜歡助醫師說完未說的話。)

醫師：「唔……」(病人丙解釋正確，醫師點頭。)